%@@1 % File name : rAdhAkRishNasahasra.itx %-------------------------------------------- % Text title : rAdhAkRishNasahasraanaamastotra from nAradapuraaNa % Author : % Translation by : % Language : Sanskrit % Subject : hinduism/religion % Description/comments : nAradapuraaNa % Transliterated by : Kirk Wortman" % Proofread by : Kirk Wortman" % Latest update : December 6, 2002 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrii rAdhAkRiShNa sahasranAma stotram ..}## \itxtitle{.. shrii raadhaakR^iShNa sahasranaama stotram ..}##\endtitles ## sanatkumaara uvaacha \- ki.n tva.n naarada jaanaasi puurvajanmani yattvayaa . praapta.n bhagavataH saaxaachChuulino yugalaatmakam .. 1.. kR^iShNamantrarahasya.n cha smara vismR^itimaagatam . suuta uvaacha \- ityukto naarado vipraaH kumaareNa tu dhiimataa .. 2.. dhyaane vivedaashu chira.n charita.n puurvajanmanaH . tatashchira.n dhyaanaparo naarado bhagavatpriyaH .. 3.. GYaatvaa sarva.n suvR^ittaanta.n suprasannaanano.abraviit . bhagavansarvavR^ittaantaH puurvakalpasamudbhavaH .. 4.. mama smR^itimanupraapto vinaa yugalalambhanam .. tachChrutvaa vachana.n tasya naaradasya mahaatmanaH .. 5.. sanatkumaaro bhagavaan vyaajahaara yathaatatham . sanatkumaara uvaacha \- shR^iNu vipra pravaxyaami yasmi~njanmani shuulinaH .. 6.. praapta.n kR^iShNarahasya.n vai saavadhaano bhavaadhunaa . asmaatsaarasvataatkalpaatpuurvasminpa~nchavi.nshake .. 7.. kalpe tva.n kaashyapo jaato naarado naama naamataH . tatraikadaa tva.n kailaasa.n praaptaH kR^iShNasya yoginaH .. 8.. sampraShTu.n parama.n tattva.n shiva.n kailaasavaasinam . tvayaa pR^iShTo mahaadevo rahasya.n svaprakaashitam .. 9.. kathayaa maasa tattvena nityaliilaanuga.n hareH . tatastadante tu punastvayaa viGYaapito haraH .. 10.. nityaa.n liilaa.n harerdraShTu.n tataH praaha sadaashivaH . gopiijanapadasyaante vallabheti pada.n tataH .. 11.. charaNaachCharaNa.n pashchaatprapadye iti vai manuH . mantrasyaasya R^iShiH prokto surabhishChanda eva cha .. 12.. gaayatrii devataa chaasya ballaviivallabho vibhuH . prapanno.asmiiti tadbhaktau viniyoga udaahR^itaH .. 13.. naasya siddhaadika.n vipra shodhana.n nyaasakalpanam . kevala.n chintana.n sadyo nityaliilaaprakaashakam .. 14.. aabhyantarasya dharmasya saadhana.n vachmi saampratam .. 15.. sa~NgR^ihya mantra.n gurubhaktiyukto vichintya sarva.n manasaa tadiihitam . kR^ipaa.n tadiiyaa.n nijadharmasa.nstho vibhaavayannaatmani toShayedgurum .. 16.. sataa.n shixeta vai dharmaanprapannaanaa.n bhayaapahaan . aihikaamuShmikiichintaavidhuraan siddhidaayakaan .. 17.. sveShTadevadhiyaa nitya.n toShayedvaiShNavaa.nstathaa . bhartsanaadikameteShaa.n na kadaachidvichintayet .. 18.. puurvakarmavashaadbhavyamaihika.n bhogyameva cha . aayuShyaka.n tathaa kR^iShNaH svayameva kariShyati .. 19.. shriikR^iShNa.n nityaliilaastha.n chintayetsvadhiyaanisham . shriimadarchaavataareNa kR^iShNa.n paricharetsadaa .. 20.. ananyachintaniiyo.asau prapannaiH sharaNaarthibhiH . stheya.n cha dehagehaadaavudaasiinatayaa budhaiH .. 21.. guroravaGYaa.n saadhuunaa.n nindaa.n bheda.n hare harau . vedanindaa.n harernaamabalaatpaapasamiihanam .. 22.. arthavaada.n harernaamni paaShaNDa.n naamasa~Ngrahe . alase naastike chaiva harinaamopadeshanam .. 23.. naamavismaraNa.n chaapi naamnyanaadarameva cha . santyajed duurato vatsa doShaanetaansudaaruNaan .. 24.. prapanno.asmiiti satata.n chintayeddhR^idgata.n harim . sa eva paalana.n nitya.n kariShyati mameti cha .. 25.. tavaasmi raadhikaanaatha karmaNaa manasaa giraa . kR^iShNakaanteti chaivaasmi yuvaameva gatirmama .. 26.. daasaaH sakhaayaH pitaraH preyasyashcha hareriha . sarve nityaa munishreShTha chintaniiyaa mahaatmabhiH .. 27.. gamanaagamane nitya.n karoti vanagoShThayoH . gochaaraNa.n vayasyaishcha vinaasuravighaatanam .. 28.. sakhaayo dvaadashaakhyaataa hareH shriidaamapuurvakaaH . raadhikaayaaH sushiilaadyaaH sakhyo dvaatri.nshadiiritaaH .. 29.. aatmaana.n chintayedvatsa taasaa.n madhye manoramaam . ruupayauvanasampannaa.n kishorii.n cha svala~NkR^itaam .. 30.. naanaashilpakalaabhiGYaa.n kR^iShNabhogaanuruupiNiim . tatsevanasukhaahlaadabhaavenaatisunirvR^itaam .. 31.. braahma.n muhuurtamaarabhya yaavadardhanishaa bhavet . taavatparicharettau tu yathaakaalaanusevayaa .. 32.. sahasra.n cha tayornaamnaa.n paThennitya.n samaahitaH . etatsaadhanamuddiShTa.n prapannaanaa.n muniishvara .. 33.. naakhyeya.n kasyachittubhya.n mayaa tattva.n prakaashitam . sanatkumaara uvaacha \- tatastva.n naarada punaH pR^iShTavaanvai sadaashivam .. 34.. naamnaa.n sahasra.n tachchaapi proktavaa.nstachChR^iNuShva me . dhyaatvaa vR^indaavane ramye yamunaatiirasa.ngatam .. 35.. kalpavR^ixa.n samaashritya tiShThanta.n raadhikaayutam . paThennaamasahasra.n tu yugalaakhya.n mahaamune .. 36.. devakiinandanaH shaurirvaasudevo balaanujaH . gadaagrajaH ka.nsamohaH ka.nsasevakamohanaH .. 37.. bhinnaargalo bhinnalohaH pitR^ibaahyaaH pitR^istutaH . maatR^istutaH shivadhyeyo yamunaajalabhedanaH .. 38.. vrajavaasii vrajaanandii nandabaalo dayaanidhiH . liilaabaalaH padmanetro gokulotsava iishvaraH .. 39.. gopikaanandanaH kR^iShNo gopaanandaH sataa.n gatiH . bakapraaNaharo viShNurbakamuktiprado hariH .. 40.. baladolaashayashayaH shyaamalaH sarvasundaraH . padmanaabho hR^iShiikeshaH kriiDaamanujabaalakaH .. 41.. liilaavidhvastashakaTo vedamantraabhiShechitaH . yashodaanandanaH kaanto munikoTiniShevitaH .. 42.. nitya.n madhuvanaavaasii vaikuNThaH sambhavaH kratuH . ramaapatiryadupatirmuraarirmadhusuudanaH .. 43.. maadhavo maanahaarii cha shriipatirbhuudharaH prabhuH . bR^ihadvanamahaaliilo nandasuunurmahaasanaH .. 44.. tR^iNaavartapraaNahaarii yashodaavismayapradaH . trailokyavaktraH padmaaxaH padmahastaH priya~NkaraH .. 45.. brahmaNyo dharmagoptaa cha bhuupatiH shriidharaH svaraaT . ajaadhyaxaH shivaadhyaxo dharmaadhyaxo maheshvaraH .. 46.. vedaantavedyo brahmasthaH prajaapatiramoghadR^ik . gopiikaraavalambii cha gopabaalakasupriyaH .. 47.. baalaanuyaayii balavaan shriidaamapriya aatmavaan . gopiigR^ihaa~NgaNaratirbhadraH sushlokama~NgalaH .. 48.. navaniitaharo baalo navaniitapriyaashanaH . baalavR^indii markavR^indii chakitaaxaH palaayitaH .. 49.. yashodaatarjitaH kampii maayaaruditashobhanaH . daamodaro.aprameyaatmaa dayaalurbhaktavatsalaH .. 50.. subaddholuukhale namrashiraa gopiikadarthitaH . vR^ixabha~Ngii shokabha~Ngii dhanadaatmajamoxaNaH .. 51.. devarShivachanashlaaghii bhaktavaatsalyasaagaraH . vrajakolaahalakaro vrajaanadavivarddhanaH .. 52.. gopaatmaa prerakaH saaxii vR^indaavananivaasakR^it . vatsapaalo vatsapatirgopadaarakamaNDanaH .. 53.. baalakriiDo baalaratirbaalakaH kanakaa~Ngadii . piitaambaro hemamaalii maNimuktaavibhuuShaNaH .. 54.. ki~NkiNiikaTakii suutrii nuupurii mudrikaanvitaH . vatsaasurapatidhva.nsii bakaasuravinaashanaH .. 55.. aghaasuravinaashii cha vinidriikR^itabaalakaH . aadya aatmapradaH sa~Ngii yamunaatiirabhojanaH .. 56.. gopaalamaNDaliimadhyaH sarvagopaalabhuuShaNaH . kR^itahastatalagraaso vya~njanaashritashaakhikaH .. 57.. kR^itabaahushR^i~NgayaShTirgu~njaala~NkR^itakaNThakaH . mayuurapichChamukuTo vanamaalaavibhuuShitaH .. 58.. gairikaachitritavapurnavameghavapuH smaraH . koTikandarpalaavaNyo lasanmakarakuNDalaH .. 59.. aajaanubaahurbhagavaannidraarahitalochanaH . koTisaagaragaambhiiryaH kaalakaalaH sadaashivaH .. 60.. vira~nchimohanavapurgopavatsavapurddharaH . brahmaaNDakoTijanako brahmamohavinaashakaH .. 61.. brahmaa brahmeDitaH svaamii shakradarpaadinaashanaH . giripuujopadeShTaa cha dhR^itagovarddhanaachalaH .. 62.. purandareDitaH puujyaH kaamadhenuprapuujitaH . sarvatiirthaabhiShiktashcha govindo goparaxakaH .. 63.. kaaliyaartikaraH kruuro naagapatniiDito viraaT . dhenukaariH pralambaarirvR^iShaasuravimardanaH .. 64.. maayaasuraatmajadhva.nsii keshikaNThavidaarakaH . gopagoptaa dhenugoptaa daavaagniparishoShakaH .. 65.. gopakanyaavastrahaarii gopakanyaavarapradaH . yaGYapatnyannabhojii cha munimaanaapahaarakaH .. 66.. jaleshamaanamathano nandagopaalajiivanaH . gandharvashaapamoktaa cha sha~NkhachuuDashiro haraH .. 67.. va.nshii vaTii veNuvaadii gopiichintaapahaarakaH . sarvagoptaa samaahvaanaH sarvagopiimanorathaH .. 68.. vya.ngadharmapravaktaa cha gopiimaNDalamohanaH . raasakriiDaarasaasvaadii rasiko raadhikaadhavaH .. 69.. kishoriipraaNanaathashcha vR^iShabhaanasutaapriyaH . sarvagopiijanaanandii gopiijanavimohanaH .. 70.. gopikaagiitacharito gopiinartanalaalasaH . gopiiskandhaashritakaro gopikaachumbanapriyaH .. 71.. gopikaamaarjitamukho gopiivyajanaviijitaH . gopikaakeshasa.nskaarii gopikaapuShpasa.nstaraH .. 72.. gopikaahR^idayaalambii gopiivahanatatparaH . gopikaamadahaarii cha gopikaaparamaarjitaH .. 73.. gopikaakR^itasa.nniilo gopikaasa.nsmR^itapriyaH . gopikaavanditapado gopikaavashavartanaH .. 74.. raadhaaparaajitaH shriimaanniku~njesuvihaaravaan . ku~njapriyaH ku~njavaasii vR^indaavanavikaasanaH .. 75.. yamunaajalasiktaa~Ngo yamunaasaukhyadaayakaH . shashisa.nstambhanaH shuuraH kaamii kaamavijohanaH .. 76.. kaamaadyaaH kaamanaathashcha kaamamaanasabhedanaH . kaamadaH kaamaruupashcha kaaminii kaamasa~nchayaH .. 77.. nityakriiDo mahaaliilaH sarvaH sarvagatastathaa . paramaatmaa paraadhiishaH sarvakaaraNakaaraNaH ##(or##m##)##.. 78.. gR^ihiitanaaradavachaa hyakruuraparichintitaH . akruuravanditapado gopikaatoShakaarakaH .. 79.. akruuravaakyasa~Ngraahii mathuraavaasakaaraNaH ##(or##m##)##. akruurataapashamano rajakaayuHpraNaashanaH .. 80.. mathuraanandadaayii cha ka.nsavastraviluNThanaH . ka.nsavastrapariidhaano gopavastrapradaayakaH .. 81.. sudaamagR^ihagaamii cha sudaamaparipuujitaH . tantuvaayakasa.npriitaH kubjaachandanalepanaH .. 82.. kubjaaruupaprado viGYo mukundo viShTarashravaaH . sarvaGYo mathuraalokii sarvalokaabhinandanaH .. 83.. kR^ipaakaTaaxadarshii cha daityaarirdevapaalakaH . sarvaduHkhaprashamano dhanurbha~Ngii mahotsavaH .. 84.. kuvalayaapiiDahantaa dantaskandhabalaagraNiiH . kalparuupadharo dhiiro divyavastraanulepanaH .. 85.. mallaruupo mahaakaalaH kaamaruupii balaanvitaH . ka.nsatraasakaro bhiimo muShTikaantashcha ka.nsahaa .. 86.. chaaNuuraghno bhayaharaH shalaaristoshalaantakaH . vaikuNThavaasii ka.nsaariH sarvaduShTaniShuudanaH .. 87.. devadundubhinirghoShii pitR^ishokanivaaraNaH . yaadavendraH sataa.nnaatho yaadavaaripramarddanaH .. 88.. shaurishokavinaashii cha devakiitaapanaashanaH . ugrasenaparitraataa ugrasenaabhipuujitaH .. 89.. ugrasenaabhiShekii cha ugrasenadayaaparaH . sarvasaatvatasaaxii cha yaduunaamabhinandanaH .. 90.. sarvamaathurasa.nsevyaH karuNo bhaktabaandhavaH . sarvagopaaladhanado gopiigopaalalaalasaH .. 91.. shauridattopaviitii cha ugrasenadayaakaraH . gurubhakto brahmachaarii nigamaadhyayane rataH .. 92.. sa.nkarShaNasahaadhyaayii sudaamasuhR^ideva cha . vidyaanidhiH kalaakosho mR^itaputrapradastathaa .. 93.. chakrii paa~nchajanii chaiva sarvanaarakimochanaH . yamaarchitaH paro devo naamochchaaravasho.achyutaH .. 94.. kubjaavilaasii subhago diinabandhuranuupamaH . akruuragR^ihagoptaa cha pratiGYaapaalakaH shubhaH .. 95.. jaraasandhajayii vidvaan yavanaanto dvijaashrayaH . muchukundapriyakaro jaraasandhapalaayitaH .. 96.. dvaarakaajanako guuDho brahmaNyaH satyasa~NgaraH . liilaadharaH priyakaro vishvakarmaa yashaHpradaH .. 97.. rukmiNiipriyasandesho rukmashokavivarddhanaH . chaidyashokaalayaH shreShTho duShTaraajanyanaashanaH .. 98.. rukmivairuupyakaraNo rukmiNiivachane rataH . balabhadravachograahii muktarukmii janaardanaH .. 99.. rukmiNiipraaNanaathashcha satyabhaamaapatiH svayam . bhaktapaxii bhaktivashyo hyakruuramaNidaayakaH .. 100.. shatadhanvaapraaNahaarii R^ixaraajasutaapriyaH . satraajittanayaakaanto mitravindaapahaarakaH .. 101. satyaapatirlaxmaNaajitpuujyo bhadraapriya~NkaraH . narakaasuraghaatii cha liilaakanyaaharo jayii .. 102.. muraarirmadanesho.api dharitriiduHkhanaashanaH . vainateyii svargagaamii aditya kuNDalapradaH .. 103.. indraarchito ramaakaanto vajribhaaryaaprapuujitaH . paarijaataapahaarii cha shakramaanaapahaarakaH .. 104.. pradyumnajanakaH saambataato bahusuto vidhuH . gargaachaaryaH satyagatirdharmaadhaaro dharaadharaH .. 105.. dvaarakaamaNDanaH shlokyaH sushloko nigamaalayaH . pauNDrakapraaNahaarii cha kaashiiraajashiroharaH .. 106.. avaiShNavavipradaahii sudaxiNabhayaavahaH . jaraasandhavidaarii cha dharmanandanayaGYakR^it .. 107.. shishupaalashirashChedii dantavaktravinaashanaH . viduurathaantakaH shriishaH shriido dvividanaashanaH .. 108.. rukmiNiimaanahaarii cha rukmiNiimaanavarddhanaH . devarShishaapahartaa cha draupadiivaakyapaalakaH .. 109.. durvaasobhayahaarii cha paa~nchaaliismaraNaagataH . paarthaduutaH paarthamantrii paarthaduHkhaughanaashanaH .. 110.. paarthamaanaapahaarii cha paarthajiivanadaayakaH . paa~nchaaliivastradaataa cha vishvapaalakapaalakaH .. 111.. shvetaashvasaarathiH satyaH satyasaadhyo bhayaapahaH . satyasandhaH satyaratiH satyapriya udaaradhiiH .. 112.. mahaasenajayii chaiva shivasainyavinaashanaH . baaNaasurabhujachChettaa baaNabaahuvarapradaH .. 113.. taarxyamaanaapahaarii cha taarxyatejovivarddhanaH . raamasvaruupadhaarii cha satyabhaamaamudaavahaH .. 114.. ratnaakarajalakriiDo vrajaliilaapradarshakaH . svapratiGYaaparidhva.nsii bhiiShmaaGYaaparipaalakaH .. 115.. viiraayudhaharaH kaalaH kaalikesho mahaabalaH . varvariiShashirohaarii varvariiShashiraHpradaH .. 116.. dharmaputrajayii shuuraduryodhanamadaantakaH . gopikaapriitinirbandhanityakriiDo vrajeshvaraH .. 117.. raadhaakuNDaratirdhanyaH sadaandolasamaashritaH . sadaamadhuvanaanandii sadaavR^indaavanapriyaH .. 118.. ashokavanasannaddhaH sadaatilakasa~NgataH . sadaagovarddhanaratiH sadaa gokulavallabhaH .. 119.. bhaaNDiiravaTasa.nvaasii nitya.n va.nshiivaTasthitaH . nandagraamakR^itaavaaso vR^iShabhaanugrahapriyaH .. 120.. gR^ihiitakaaminiiruupo nitya.n raasavilaasakR^it . vallaviijanasa~Ngoptaa vallaviijanavallabhaH .. 121.. devasharmakR^ipaakartaa kalpapaadapasa.nsthitaH . shilaanugandhanilayaH paadachaarii ghanachChaviH .. 122.. atasiikusumaprakhyaH sadaa laxmiikR^ipaakaraH . tripuraaripriyakaro hyugradhanvaaparaajitaH .. 123.. ShaDdhuradhva.nsakartaa cha nikumbhapraaNahaarakaH . vajranaabhapuradhva.nsii pauNDrakapraaNahaarakaH .. 124.. bahulaashvapriitikartaa dvijavaryapriya~NkaraH . shivasa~NkaTahaarii cha vR^ikaasuravinaashanaH .. 125.. bhR^igusatkaarakaarii cha shivasaattvikataapradaH . gokarNapuujakaH saambakuShThavidhva.nsakaaraNaH .. 126.. vedastuto vedavettaa yaduva.nshavivarddhanaH . yaduva.nshavinaashii cha uddhavoddhaarakaarakaH .. 127.. raadhaa cha raadhikaa chaiva aanandaa vR^iShabhaanujaa . vR^indaavaneshvarii puNyaa kR^iShNamaanasahaariNii .. 128.. pragalbhaa chaturaa kaamaa kaaminii harimohinii . lalitaa madhuraa maadhvii kishorii kanakaprabhaa .. 129.. jitachandraa jitamR^igaa jitasi.nhaa jitadvipaa . jitarambhaa jitapikaa govindahR^idayodbhavaa .. 130.. jitabimbaa jitashukaa jitapadmaa kumaarikaa . shriikR^iShNaakarShaNaa devii nitya.n yugmasvaruupiNii .. 131.. nitya.n vihaariNii kaantaa rasikaa kR^iShNavallabhaa . aamodinii modavatii nandanandanabhuuShitaa .. 132.. divyaambaraa divyahaaraa muktaamaNivibhuuShitaa . ku~njapriyaa ku~njavaasaa ku~njanaayakanaayikaa .. 133.. chaaruruupaa chaaruvaktraa chaaruhemaa~Ngadaa shubhaa . shriikR^iShNaveNusa~Ngiitaa muraliihaariNii shivaa .. 134.. bhadraa bhagavatii shaantaa kumudaa sundarii priyaa . kR^iShNakriiDaa kR^iShNaratiH shriikR^iShNasahachaariNii .. 135.. va.nshiivaTapriyasthaanaa yugmaayugmasvaruupiNii . bhaaNDiiravaasinii shubhraa gopiinaathapriyaa sakhii .. 136.. shrutiniHshvasitaa divyaa govindarasadaayinii . shriikR^iShNapraarthaniishaanaa mahaanandapradaayinii .. 137.. vaikuNThajanasa.nsevyaa koTilaxmiisukhaavahaa . koTikandarpalaavaNyaa ratikoTiratipradaa .. 138.. bhaktigraahyaa bhaktiruupaa laavaNyasarasii umaa . brahmarudraadisa.nraadhyaa nitya.n kautuuhalaanvitaa .. 139.. nityaliilaa nityakaamaa nityashR^i~NgaarabhuuShitaa . nityavR^indaavanarasaa nandanandanasa.nyutaa .. 140.. gopikaamaNDaliiyuktaa nitya.n gopaalasa~Ngataa . gorasaxepaNii shuuraa saanandaanandadaayinii .. 141.. mahaaliilaa prakR^iShTaa cha naagarii nagachaariNii . nityamaaghuurNitaa puurNaa kastuuriitilakaanvitaa .. 142.. padmaa shyaamaa mR^igaaxii cha siddhiruupaa rasaavahaa . koTichandraananaa gaurii koTikokilasusvaraa .. 143.. shiilasaundaryanilayaa nandanandanalaalitaa . ashokavanasa.nvaasaa bhaaNDiiravanasa~Ngataa .. 144.. kalpadrumatalaaviShTaa kR^iShNaa vishvaa haripriyaa . ajaagamyaa bhavaagamyaa govarddhanakR^itaalayaa .. 145.. yamunaatiiranilayaa shashvadgovindajalpinii . shashvanmaanavatii snigdhaa shriikR^iShNaparivanditaa .. 146.. kR^iShNastutaa kR^iShNavR^itaa shriikR^iShNahR^idayaalayaa . devadrumaphalaa sevyaa vR^indaavanarasaalayaa .. 147.. koTitiirthamayii satyaa koTitiirthaphalapradaa . koTiyogasuduShpraapyaa koTiyaGYaduraashrayaa .. 148.. manasaa shashilekhaa cha shriikoTisubhagaa.anaghaa . koTimuktasukhaa saumyaa laxmiikoTivilaasinii .. 149.. tilottamaa trikaalasthaa trikaalaGYaapyadhiishvarii . trivedaGYaa trilokaGYaa turiiyaantanivaasinii .. 150.. durgaaraadhyaa ramaaraadhyaa vishvaaraadhyaa chidaatmikaa . devaaraadhyaa paraaraadhyaa brahmaaraadhyaa paraatmikaa .. 151.. shivaaraadhyaa premasaadhyaa bhaktaaraadhyaa rasaatmikaa . kR^iShNapraaNaarpiNii bhaamaa shuddhapremavilaasinii .. 152.. kR^iShNaaraadhyaa bhaktisaadhyaa bhaktavR^indaniShevitaa . vishvaadhaaraa kR^ipaadhaaraa jiivadhaaraatinaayikaa .. 153.. shuddhapremamayii lajjaa nityasiddhaa shiromaNiH . divyaruupaa divyabhogaa divyaveShaa mudaanvitaa .. 154.. divyaa~NganaavR^indasaaraa nityanuutanayauvanaa . parabrahmaavR^itaa dhyeyaa mahaaruupaa mahojjvalaa .. 155.. koTisuuryaprabhaa koTichandrabimbaadhikachChaviH . komalaamR^itavaagaadyaa vedaadyaa vedadurlabhaa .. 156.. kR^iShNaasaktaa kR^iShNabhaktaa chandraavaliniShevitaa . kalaaShoDashasampuurNaa kR^iShNadehaarddhadhaariNii .. 157.. kR^iShNabuddhiH kR^iShNasaaraa kR^iShNaruupavihaariNii . kR^iShNakaantaa kR^iShNadhanaa kR^iShNamohanakaariNii .. 158.. kR^iShNadR^iShTiH kR^iShNagotrii kR^iShNadevii kulodvahaa . sarvabhuutasthitaavaatmaa sarvalokanamaskR^itaa .. 159.. kR^iShNadaatrii premadhaatrii svarNagaatrii manoramaa . nagadhaatrii yashodaatrii mahaadevii shubha~Nkarii .. 160.. shriisheShadevajananii avataaragaNaprasuuH . utpalaa~Nkaaravindaa~Nkaa prasaadaa~Nkaa dvitiiyakaa .. 161.. rathaa~Nkaa ku~njaraa~Nkaa cha kuNDalaa~Nkapadasthitaa . Chatraa~Nkaa vidyuda~Nkaa cha puShpamaalaa~Nkitaapi cha .. 162.. daNDaa~Nkaa mukuTaa~Nkaa cha puurNachandraa shukaa~Nkitaa . kR^iShNaannaahaarapaakaa cha vR^indaaku~njavihaariNii .. 163.. kR^iShNaprabodhanakarii kR^iShNasheShaannabhojinii . padmakesaramadhyasthaa sa~Ngiitaagamavedinii .. 164.. koTikalpaantabhruubha~Ngaa apraaptapralayaachyutaa . sarvasattvanidhiH padmasha~Nkhaadinidhisevitaa .. 165.. aNimaadiguNaishvaryaa devavR^indavimohinii . sarvaanandapradaa sarvaa suvarNalatikaakR^itiH .. 166.. kR^iShNaabhisaarasa~Nketaa maalinii nR^ityapaNDitaa . gopiisindhusakaashaahvaa gopamaNDapashobhinii .. 167.. shriikR^iShNapriitidaa bhiitaa pratya~Ngapulakaa~nchitaa . shriikR^iShNaali~Nganarataa govindavirahaaxamaa .. 168.. anantaguNasampannaa kR^iShNakiirtanalaalasaa . biijatrayamayii muurtiH kR^iShNaanugrahavaa~nChitaa .. 169.. vimalaadiniShevyaa cha lalitaadyarchitaa satii . padmavR^indasthitaa hR^iShTaa tripuraaparisevitaa .. 170.. vR^intaavatyarchitaa shraddhaa durGYeyaa bhaktavallabhaa . durlabhaa saandrasaukhyaatmaa shreyohetuH subhogadaa .. 171.. saara~Ngaa shaaradaa bodhaa sadvR^indaavanachaariNii . brahmaanandaa chidaanandaa dhyaanaanandaarddhamaatrikaa .. 172.. gandharvaa surataGYaa cha govindapraaNasa~Ngamaa . kR^iShNaa~NgabhuuShaNaa ratnabhuuShaNaa svarNabhuuShitaa .. 173.. shriikR^iShNahR^idayaavaasamuktaakanakanaali##(or##si##)##kaa . sadratnaka~NkaNayutaa shriimanniilagiristhitaa .. 174.. svarNanuupurasampannaa svarNaki~NkiNimaNDitaa . ashoSharaasakutukaa rambhoruustanumadhyamaa .. 175.. paraakR^itiH paraanandaa parasvargavihaariNii . prasuunakabarii chitraa mahaasinduurasundarii .. 176.. kaishoravayasaa baalaa pramadaakulashekharaa . kR^iShNaadharasudhaasvaadaa shyaamapremavinodinii .. 177.. shikhipichChalasachchuuDaa svarNachampakabhuuShitaa . ku~NkumaalaktakastuuriimaNDitaa chaaparaajitaa .. 178.. hemahaaraanvitaa puShpaahaaraaDhyaa rasavatyapi . maadhuryyamadhuraa padmaa padmahastaa suvishrutaa .. 179.. bhruubha~Ngaabha~NgakodaNDakaTaaxasharasandhinii . sheShadevaa shirasthaa cha nityasthalavihaariNii .. 180.. kaaruNyajalamadhyasthaa nityamattaadhirohiNii . aShTabhaaShavatii chaaShTanaayikaa laxaNaanvitaa .. 181.. suniitiGYaa shrutiGYaa cha sarvaGYaa duHkhahaariNii . rajoguNeshvarii chaiva sharachchandranibhaananaa .. 182.. ketakiikusumaabhaasaa sadaa sindhuvanasthitaa . hemapuShpaadhikakaraa pa~nchashaktimayii hitaa .. 183.. stanakumbhii naraaDhyaa cha xiiNaapuNyaa yashasvinii . vairaajasuuyajananii shriishaa bhuvanamohinii .. 184.. mahaashobhaa mahaamaayaa mahaakaantirmahaasmR^itiH . mahaamohaa mahaavidyaa mahaakiirtirmahaaratiH .. 185.. mahaadhairyaa mahaaviiryaa mahaashaktirmahaadyutiH . mahaagaurii mahaasampanmahaabhogavilaasinii .. 186.. samayaa bhaktidaashokaa vaatsalyarasadaayinii . suhR^idbhaktipradaa svachChaa maadhuryarasavarShiNii .. 187.. bhaavabhaktipradaa shuddhapremabhaktividhaayinii . goparaamaabhiraamaa cha kriiDaaraamaa pareshvarii .. 188.. nityaraamaa chaatmaraamaa kR^iShNaraamaa rameshvarii . ekaanekajagadvyaaptaa vishvaliilaaprakaashinii .. 189.. sarasvatiishaa durgeshaa jagadiishaa jagadvidhiH . viShNuva.nshanivaasaa cha viShNuva.nshasamudbhavaa .. 190.. viShNuva.nshastutaa kartrii viShNuva.nshaavanii sadaa . aaraamasthaa vanasthaa cha suuryyaputryavagaahinii .. 191.. priitisthaa nityayantrasthaa golokasthaa vibhuutidaa . svaanubhuutisthitaa vyaktaa sarvalokanivaasinii .. 192.. amR^itaa hyadbhutaa shriimannaaraayaNasamiiDitaa . axaraapi cha kuuTasthaa mahaapuruShasambhavaa .. 193.. audaaryabhaavasaadhyaa cha sthuulasuuxmaatiruupiNii . shiriiShapuShpamR^idulaa gaa~Ngeyamukuraprabhaa .. 194.. niilotpalajitaaxii cha sadratnakavaraanvitaa . premaparya~Nkanilayaa tejomaNDalamadhyagaa .. 195.. kR^iShNaa~Ngagopanaa.abhedaa liilaavaraNanaayikaa . sudhaasindhusamullaasaamR^itaasyandavidhaayinii .. 196.. kR^iShNachittaa raasachittaa premachittaa haripriyaa . achintanaguNagraamaa kR^iShNaliilaa malaapahaa .. 197.. raasasindhushashaa~Nkaa cha raasamaNDalamaNDinii . natavrataa si.nhariichChaa sumuurtiH suravanditaa .. 198.. gopiichuuDaamaNirgopii gaNeDyaa virajaadhikaa . gopapreShThaa gopakanyaa gopanaarii sugopikaa .. 199.. gopadhaamaa sudaamaambaa gopaalii gopamohinii . gopabhuuShaa kR^iShNabhuuShaa shriivR^indaavanachandrikaa .. 200.. viiNaadighoShanirataa raasotsavavikaasinii . kR^iShNacheShTaa pariGYaataa koTikandarpamohinii .. 201.. shriikR^iShNaguNanaagaaDhyaa devasundarimohinii . kR^iShNachandramanoGYaa cha kR^iShNadevasahodarii .. 202.. kR^iShNaabhilaaShiNii kR^iShNapremaanugrahavaa.nChitaa . xemaa cha madhuraalaapaa bhruvomaayaa subhadrikaa .. 203.. prakR^itiH paramaanandaa niipadrumatalasthitaa . kR^ipaakaTaaxaa bimboShThii rambhaa chaarunitambinii .. 204.. smarakelinidhaanaa cha gaNDataaTa~NkamaNDitaa . hemaadrikaantiruchiraa premaadyaa madamantharaa .. 205.. kR^iShNachintaa premachintaa ratichintaa cha kR^iShNadaa . raasachintaa bhaavachintaa shuddhachintaa mahaarasaa .. 206.. kR^iShNaadR^iShTitruTiyugaa dR^iShTipaxmivinindinii . kandarpajananii mukhyaa vaikuNThagatidaayinii .. 207.. raasabhaavaa priyaashliShTaa preShThaa prathamanaayikaa . shuddhaa sudhaadehinii cha shriiraamaa rasama~njarii .. 208.. suprabhaavaa shubhaachaaraa svarNadii narmadaambikaa . gomatii chandrabhaageDyaa sarayuustaamraparNisuuH .. 209.. niShkala~Nkacharitraa cha nirguNaa cha nira~njanaa . etannaamasahasra.n tu yugmaruupasya naarada .. 210.. paThaniiya.n prayatnena vR^indaavanarasaavahe . mahaapaapaprashamana.n vandhyaatvavinivartakam .. 211.. daaridryashamana.n roganaashana.n kaamada.n mahat . paapaapaha.n vairihara.n raadhaamaadhavabhaktidam .. 212.. namastasmai bhagavate kR^iShNaayaakuNThamedhase . raadhaasa~Ngasudhaasindhau namo nityavihaariNe .. 213.. raadhaadevii jagatkartrii jagatpaalanatatparaa . jagallayavidhaatrii cha sarveshii sarvasuutikaa .. 214.. tasyaa naamasahasra.n vai mayaa prokta.n muniishvara . bhuktimuktiprada.n divya.n ki.n bhuuyaH shrotumichChasi .. 215.. .. iti shriibR^ihannaaradiiyapuraaNe puurvabhaage bR^ihadupaakhyaane tR^itiiyapaade raadhaakR^iShNasahasranaamakathana.n naama dvyashiititamo.adhyaayaH .. ##\medskip\hrule\medskip Encoded by Kirk Wortman kirkwort@hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} \end{document}