% Text title            : Shri Mantramatrika Ashtakam
% File name             : shrImantramAtRRikAShTakam.itx
% Category              : deities\_misc, ayyappa, aShTaka
% Location              : doc\_deities\_misc
% Proofread by          : Mohan Chettoor
% Latest update         : October 8, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mantramatrika Ashtakam ..}##
\itxtitle{.. shrImantramAtR^ikAShTakam ..}##\endtitles ##
ghrU~NkArA~NkitamantragaM sharaNadaM sarvArthasiddhipradaM
      shA~NkaryAdirameshalAlitatanuM sa~NkIrtanAkarShitam |
kAlAmbhodasamaprabhaM karatalairdivyAyudhaM bibhrataM
      vande shrIharisha~NkarAtmajamahaM kAruNyavArAnnidhim || 1||
namrANAmakhilArthadaM munijanaiH saMsevitaM sarvadA
      nityAnandasukhA~nchitaM maNigaNenAla~NkR^itaM sundaram |
sarvArighnamasheShashokashamanaM kAntAramadhyasthitaM
      vande pApanivAraNaikanirataM pUrNendubimbAnanam || 2||
mattebhoparisaMsthitaM trinayanaM kAntadvayAli~NgitaM
      sattvAditriguNAtmakaM kalimalaughAraNyadAvAnalam |
vitteshAshritamambikAhR^idayagaM bhaktaughabhUtipradaM
      vande pAvanabhaktakIrtitavibhuM kalyANakalpadrumam || 3||
padmAduttamapuShpapUjitapadaM nIlAmbarAla~NkR^itaM
      padmAntargatarAjitaM varagaNAn dAtuM sadApyutsukham |
divyairbhUtagaNairvR^itaM ripuharaM chaNDATTahAsapriyaM
      vande devamunIndravanditapadaM sarvApadaM shAntidam || 4||
rAgadveShatamovihInasujanairbhaktyA sadA sevitaM
      rogAdyudbhaTadoShasa~NghadalanaM vAgIshvarIlAlitam |
dharmAdharmavichintanaikanirataM sarvArthasampAdakaM
      vande sundarasUnumadbhutamahaM mandArahArojvalam || 5||
yantrArAdhitadaivataM parapadaprAptyutsukAbhIShTadaM
      mantrochchAraNatuShTamAnasamahaM shrIbhUtanAthAkR^itim |
sphurjatpatrasuvarNakuNDaladharaM santAnavR^ikShopamaM
      vande vanditalokasarvavaradaM santAnasaukhyapradam || 6||
goptR^isthAnanivAsinaM guruvarairArAdhitaM sarvagaM
      dIpyaddivyavibhUShaNaughavimalaM shoNAmbarAla~NkR^itam |
prApyasthAnanivAsinaM nR^ipavaraiH saMsevyamAttAdaraM
      vande shAshvatadharmarakShaNavidhAvR^igvedarUpaM param || 7||
patremantrAntyakavarNashobhitatanuM vedArthavAkyojjvalaM
      vAmA~NgasthitapUrNayetaralasachChrIsatyakenAshritam |
divyaM bhaktajanaikanirataM satyasthitaM sarvadA
      vande ghrUmpadamantravarNasubhagaM ratnaprabhAbhAsuram || 8||

iti shrImantramAtR^ikAShTakaM sampUrNam |
##

Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}