%@@1
% File name             : hayagrIvastotram.itx
%--------------------------------------------
% Text title            : hayagrIvastotram
% Author                : Vedanta Desika
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Sundar Rajan RD sundar.rajanrd at gmail.com,Srivatsan HS sriphy at gmail.com
% Proofread by          : Sundar Rajan RD sundar.rajanrd at gmail.com, NA
% Latest update         : January 6, 2012
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2,Srivatsan HS sriphy at gmail.com
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shrIhayagrIvastotram ..}##
\itxtitle{.. shrIhayagrIvastotram ..}##\endtitles ##
         shrI gaNeshAya namaH |
shrImAn ve~NkaTanAthAryaH kavitArkikakesarI |
vedAntAchAryavaryo me sannidhattAM sadA hR^idi ||
j~nAnAnandamayaM devaM nirmalasphaTikAkR^itim |
AdhAraM sarvavidyAnAM hayagrIvamupAsmahe || 1||
svataH siddhaM shuddhasphaTikamaNibhUbhR^itpratibhaTaM
sudhAsadhrIchIbhirdyutibhiravadAtatribhuvanam |
anantaistrayyantairanuvihitaheShAhalahalaM
hatAsheShAvadyaM hayavadanamIDemahi mahaH || 2||
samAhAraH sAmnAM pratipadamR^ichAM dhAma yajuShAM
layaH pratyUhAnAM laharivitatirbodhajaladheH |
kathAdarpakShubhyatkathakakulakolAhalabhavaM
haratvantardhvAntaM hayavadanaheShAhalahalaH || 3||
prAchI sa.ndhyA kAchidantarnishAyAH praj~nAdR^iShTera~njanashrIrapUrvA |
vaktrI vedAnbhAtu me vAjivaktrA vAgIshAkhyA vAsudevasya mUrtiH || 4||
vishuddhavij~nAnaghanasvarUpaM vij~nAnavishrANanabaddhadIkSham |
dayAnidhiM dehabhR^itAM sharaNyaM devaM hayagrIvamahaM prapadye || 5||
apauruSheyairapi vAkprapa~nchairadyApi te bhUtimadR^iShTapArAm |
stuvannahaM mugdha iti tvayaiva kAruNyato nAtha kaTAkShaNIyaH || 6||
dAkShiNyaramyA girishasya mUrtirdevI sarojAsanadharmapatnI |
vyAsAdayo.api vyapadeshyavAchaH sphuranti sarve tava shaktileshaiH || 7||
mando.abhaviShyanniyataM viri~ncho vAchAM nidhe va~nchitabhAgadheyaH |
daityApanItAndayaryeva bhUyo.apyadhyApayiShye nigamAnna chettvam || 8||
vitarkaDolAM vyavadhUya sattve bR^ihaspatiM vartayase yatastvam |
tenaiva deva tridasheshvarANAmaspR^iShTadolAyitamAdhirAjyam || 9||
agnau samiddhArchiShi saptatantorAtasthivAnmantramayaM sharIram |
akhaNDasArairhaviShAM pradAnairApyAyanaM vyomasadAM vidhatse || 10||
yanmUlamIdR^ikpratibhAti tattvaM yA mUlamAmnAya mahAdrumANAm |
tattvena jAnanti vishuddha satvAstAmakSharAmakSharamAtR^ikAM te || 11||
avyAkR^itAdvyAkR^itavAnasi tvam nAmAni rUpANi cha yAni pUrvam |
sha.nsanti teShAM charamAM pratiShThAM vAgIshvara tvAM tvadupaj~navAchaH || 12||
mugdhenduniShyandavilobhanIyAM mUrtiM tavAnandasudhAprasUtim |
vipashchitashchetasi bhAvayante velAmudArAmiva dugdhasindhoH || 13||
manogataM pashyati yaH sadA tvAM manIShiNAM mAnasarAjaha.nsam |
svayaM purobhAvavivAdabhAjaH ki~Nkurvate tasya giro yathArham || 14||
api kShaNArdhaM kalayanti ye tvAmAplAvayantaM vishadairmayUkhaiH |
vAchAM pravAhairanivAritaiste mandAkinIM mandayituM kShamante || 15||
svAminbhavaddhyAnasudhAbhiShekAtvahanti dhanyAH pulakAnubandham |
alakShite kvApi nirUDhamUlama~NgeShvivAnandathuma~Nkurantam || 16||
svAminpratIchA hR^idayena dhanyAstvaddhyanachandrodayavardhamAnam |
amAntamAnandapayodhimantaHpayobhirakShNAM parivAhayanti || 17||
svairAnubhAvAstvadadhInabhAvAH samR^iddhavIryAstvadanugraheNa |
vipashchito nAtha taranti mAyAM vaihArikIM mohanapi~nChikAM te || 18||
prA~NnirmitAnAM tapasAM vipAkAH pratyagraniHshreyasasampado me |
samedhiShIra.nstava pAdapadme sa~NkalpachintAmaNayaH praNAmAH || 19||
viluptamUrdhanyalipikramANAm surendrachUDApadalAlitAnAm |
tvada~NghrirAjIvarajaHkaNAnAm bhUyAn prasAdo mayi nAtha bhUyAt || 20||
parisphurannUpurachitrabhAnuprakAshanirdhUtatamonuSha~NgAm |
padadvayIM te parichinmahe.antaH prabodharAjIvavibhAtasandhyAm || 21||
tvatki~NkarAla~NkaraNochitAnAM tvayaiva kalpAntarapAlitAnAm |
ma~njupraNAdaM maNinUpuraM te ma~njUShikAM vedagirAM pratImaH || 22||
sa~nchintayAmi pratibhAdashAsthAnsandhukShayantaM samayapradIpAn |
vij~nAnakalpadrumapallavAbhaM vyAkhyAnamudrAmadhuraM karaM te || 23||
chitte karomi sphuritAkShamAlaM savyetaraM nAtha karaM tvadIyam |
j~nAnAmR^itoda~nchanalampaTAnAM lIlAghaTIyantramivAshritAnAm || 24||
prabodhasindhoraruNaiH prakAshaiH pravAlasa~NghAtamivodvahantam |
vibhAvaye deva sapustakaM te vAmaM karaM dakShiNamAshritAnAm || 25||
tamA.nsi bhitvA vishadairmayUkhaiH samprINayantaM viduShashchakorAn |
nishAmaye tvAM navapuNDarIke sharadghane chandramiva sphurantam || 26||
dishantu me deva sadA tvadIyAH dayAtara~NgAnucharAH kaTAkShAH |
shrotreShu puMsAmamR^itaM kSharantIM sarasvatIM sa.nshrita kAmadhenum || 27||
visheShavitpAriShadeShu nAtha vidagdhagoShTIsamarA~NgaNeShu |
jigIShato me kavitArkikendrAn jihvAgrasiMhAsanamabhyupeyAH || 28||
tvAM chintaya.nstvanmayatAM prapannastvAmudgR^iNan shabdamayena dhAmnA |
svAminsamAjeShu samedhiShIya svachChandavAdAhavabaddhashUraH || 29||
nAnAvidhAnAmagatiH kalAnAM na chApi tIrtheShu kR^itAvatAraH |
dhruvaM tavAnAthaparigrahAyAH navaM navaM pAtramahaM dayAyAH || 30||
akampanIyAnyapanItibhedairala~NkR^iShIran hR^idayaM madIyam |
sha~NkAkala~NkApagamojjvalAni tattvAni samya~nchi tava prasAdAt || 31||
vyAkhyAmudrAM karasarasijaiH pustakaM sha~Nkhachakre
bibhradbhinnasphaTikaruchire puNDarIke niShaNNaH |
amlAnashrIramR^itavishadaira.nshubhiH plAvayan mAM
AvirbhUyAdanaghamahimA mAnase vAgadhIshaH || 32||
vAgarthasiddhihetoHpaThata hayagrIvasa.nstutiM bhaktyA |
kavitArkikakesariNA ve~NkaTanAthena virachitAmetAm || 33||
|| iti shrIhayagrIvastotraM samAptam ||
kavitArkikasiMhAya kalyANaguNashAline |
shrImate ve~NkaTeshAya vedAntagurave namaH ||

##
\medskip\hrule\medskip
Encoded and proofread by Sundar Rajan RD sundar.rajanrd at gmail.com
Alternatively, encoded by Srivatsan HS sriphy at gmail.com
Proofread.
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}