% Text title            : Gurustotram
% File name             : gurustotram2.itx
% Category              : deities\_misc, gurudev, stotra
% Location              : doc\_deities\_misc
% Proofread by          : Pranav Tendulkar
% Description/comments  : Mantra Stotra Sangraha
% Acknowledge-Permission: Vishwa Madhwa Maha Parishat
% Latest update         : November 14, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gurustotram ..}##
\itxtitle{.. gurustotram ..}##\endtitles ##
samAshrayedguruM bhaktyA mahAvishvAsapUrvakam |
nikShipet sarvabhArAMshcha guroH shrIpAdapa~Nkaje || 1||
gurureva paro dharmo gurureva parA gatiH |
gurureva paro bandhurgurureva paraH smR^itaH || 2||
gurureva mahApApaM kShapayatyAtmabhAvataH |
\ldq{}shrIgurubhyo nama\rdq{} iti gurumantraM japeta yaH || 3||
gurubhaktyA vinAshaH syAddoShasyApi garIyasaH |
bhaviShyati navetyevaM sandigdho(gdhe) nirayaM vrajet || 4||
gurupAdAmbujaM dhyAyedgurornAma sadA japet |
gurorvArtAM tu kathayedguroranyaM na bhAvayet || 5||
gurupAdau cha shirasA manasA vachasA tathA |
yaH smaretsatataM bhaktyA santuShTastasya keshavaH || 6||
harau ruShTe gurustrAtA gurau ruShTe na kashchana |
guruprasAdAt sarveShTasiddhirbhavati nAnyathA || 7||
gurusaMsmaraNaM kAryaM sarvadaiva mumukShubhiH |
utthAne bhojane snAne granthArambhe visheShataH || 8||
guruprasAdo balavAn na tasmAdbalavattaram |
yadguruH suprasannaH san dadyAt tannAnyathA bhavet || 9||
shubhAn dhyAyanti ye kAmAn gurudevaprasAdajAn |
itarAnAtmapApotthAn teShAM vidyA phaliShyati || 10||
smR^itvA guruM pUrvagurumAdimUlagurUMstathA |
devatAM vAsudevaM cha vidyAbhyAsI tu siddhibhAk || 11||
j~nAnAdR^ite naiva muktirj~nAnaM naiva gurovinA |
tasmAdguruM prapadyeta jij~nAsuH shreya uttamam || 12||
tatra bhAgavatAn dharmAn shikShedgurvAtmadaivataH |
amAyayAnuvR^ityA cha tuShyedAtmAtmado hariH || 13||
ahobhAgyamahobhAgyaM gurupAdAnuvartinAm |
aihikAmuShmikaM saukhyaM vardhate tadanugrahAt || 14||
aho daurbhAgyamatulaM vimukhAnAM harau gurau |
aihikaM hrasate saukhyaM duHkhaM nArakamedhate || 15||
yadyat satkR^ityajaM puNyaM tatsarvaM gurave.arpayet |
tena tat saphalaM proktamanyathA niShphalaM bhavet || 16||
gururgururgururiti japato nAsti pAtakam |
tasmAdguruprasAdArthaM yateta matimAnnaraH || 17||
guroH sevA guroH stotraM shiShyakR^ityaM paraM smR^itam |
doShadR^iShTiranarthAyetyumAmAha sadAshivaH || 18||
ahobhAgyamahobhAgyaM madhvamArgAnuyAyinAm |
daivaM ramApatiryeShAM yadgururbhAratIpatiH || 19||
sarvadharmAn parityajya gurudharmAn samAchara |
na guroradhikaM ki~nchit puruShArthachatuShTaye || 20||
sAdhanaM vidyate devi gurorAj~nAM na la~Nghayet |
dehadAtpiturevAyaM hyadhiko j~nAnadAnataH || 21||
pitA mAtA tathA bhrAtA sarve saMsArahetavaH |
gururekaH sadA sevyaH saMsAroddharaNakShamaH || 22||
gurubhaktaH sadA sevyo gurubhaktasya darshane |
mano me gAhate devI kadA drakShye gurupriyam || 23||
sarve dharmAH kR^itAstena sarvatIrthAni tena cha |
yasya syAdguruvAkyeShu bhaktiH sarvottamottamA || 24||
sharIraM vasu vij~nAnaM vAsaH karma guNAn asUn |
gurvarthaM dhArayedyastu sa shiShyo netaraH smR^itaH || 25||
AchAryasya priyaM kuryAdprANairapi dhanairapi |
karmaNA manasA vAchA sa yAti paramAM gatim || 26||
na snAnasandhye na cha pAdasevanaM
      harerna chArchA vidhinA mayA kR^itA |
niShkAraNaM me gatamAyuralpakaM
      tasmAdguro mAM kR^ipayA samuddhara || 27||
karmaNA manasA vAchA yA cheShTA mama nityashaH |
keshavArAdhane sA syAjjanmajanmAntareShvapi || 28||
mAdR^isho na paraH pApI tvAdR^isho na dayAparaH |
iti matvA jagannAtha rakSha mAM sharaNAgatam || 29||
kAyena vAchA manasendriyairvA budhyAtmanA vAnusR^itaH svabhAvam |
karoti yadyatsakalamparasmai nArAyaNAyeti samarpayettat || 30||

iti shrIgurustotraM sampUrNam |
##
Proofread by Pranav Tendulkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}