% Text title            : Shri Datta Stotram
% File name             : dattastotramshrIdharasvAmI.itx
% Category              : deities\_misc, shrIdharasvAmI, dattatreya, stotra
% Location              : doc\_deities\_misc
% Author                : Shridharasvami
% Proofread by          : Paresh Panditrao
% Description/comments  : shrIdharasvAmI stotrANi.  shrIdharasandeshaH
% Latest update         : January 14, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Datta Stotram ..}##
\itxtitle{.. shrIdattastotram ..}##\endtitles ##
(pR^ithvIvR^ittam)
suduHkhitamanoravaM mama na kiM shruNosi prabho
      dayAbdhirapi kiM na bho dravasi sarvavit tvaM guro |
ahaM virahakAtaro bhavabhayAturaH prArthaye
      svabhaktabhavanAshanodyatamate na kiM dhAvasi || 1||
na kiM hariharAdayaH sharaNabhaktachittArthadAH
      kimarthamiti yAsi mAM hi sharaNaM prabho vakShi chet |
guro shruNu bhavArtihaMstrivibudhI vilInA tvayi
      trimUrtiratha bho yatastvamiha tatprasiddhaM bhuvi || 2||
svarUpasmaraNaM sadA bhavati yattrayANAmapi
      tvadIyapadasevanAdvidhiharAdayaH sharmadAH |
shubhatrivadanairyataH prakaTitaM cha sachchitsukhaM
      tvameva nirupAdhikaM bhavasi bhostrimUrteH padam || 3||
upAdhipadalA~nChanAdbahuvilajjitaistaistribhiH
      yadA prakaTitaM nijaM prakaTanaM tavAsItprabho |
tvadIyanirupAdhikaM vimalarUpamAdarshayan
      tvameva khalu rAjase jagati datta turyAshramin || 4||
asa~Nga nijanirmalaM prathitanirguNaM brahma yat
      trimUrtipadapAvanaM prakaTitaM yadAsIttvayA |
tadava sakalasya vA mama cha shuddharUpa yataH
      guro tavapadaM vinA jagati me na kopyAshrayaH || 5||
trimUrtipadapAvanaM sukhamanAmayaM bhoH purA
      svabhaktabhavamuktaye.atra bhuvi dattavAMstvaM yataH |
svadatta iti yatsphuTaM jagati tanmR^iShA kiM bhavet
      svarUpamamalaM cha dAtumapi kiM na bhAsi prabho || 6||
na jIvajagadIshvarA na cha tathaiva yoShitpumAn
      \ldq{}ahaM\rdq{} mama tanau cha yatsphurati tatsubhUmAsukham |
asa~Ngamiti chinmayaM paramanAmayaM brahma vA
      tataM prathitamadvayaM hi khalu tvanmukhAjChushruShuH || 7||
mahendravidhichakradhR^idbhavapadaM na yAche guro
      viShaM mama tu tatsukhaM tanuhadindriyairyadbhavet |
aho bhavabhayAtmakaM bhramamayaM cha tadbhAvanaM
      ratishcha puruShastriyorahaha kashmalAyAM tanau || 8||
guroH sukaruNodayAdbhavati sA viraktirdR^iDhA
      nijasthitiracha~nchalA.ata iha yAchyate tvatkR^ipA |
tvadIyakR^ipayA balI nijapadaM vitanbanbhuvi
      kR^itI cha gurusevayA suvimalo bhaveyaM guro || 9||
guro na tava darshanaM vipuladIrghakAlo gataH
      kadA bhavasi gocharastava hi darshanAkA~NkShyaham |
ayogyamapi shAdhi mAM karuNayA.atidInosmyahaM
      guro.atidayayA yuto jhaTiti darshanaM dehi me || 10||
guro hyatanureva bhostvamasi nAmarUpaM na te
      upAsakavimuktaye.atra khalu rUpadhR^iktvaM vibho |
vinA saguNarUpatastava kimasti jIvonnatiH
      na muktaratha no tathA viratireSha bodhodayaH || 11||
sphuTaM stavanato.api me tava suvAkparatvaM guro
      tathaiva tava chintane.api tava hR^itparatvaM smR^itam |
svarUpamamalaM tataM na tava vismR^itaM yAtrayA
      tathA.api hR^idi vAsanollasati darshanAya prabho || 12||
are tvamasi nirguNo na cha tavAsti sa~NgaH kvachit
      yadekaparamAdvayaM tvamasi mAyikaM na tvayi |
kimevamatiduHkhinaM cha tava nirguNaM mAM vadet
      sukhAmR^itakarAnvitanvadiha te vapU rAjate || 13||
na rUpadharaNaM tavAsti khalu bAdhakaM sadguro
      hyanena jagato.api me.atisulabho.atra bandhakShayaH |
tanAvahamiti sphuredyadi bhavI bhramiShTho.apyasau
      nijAtmapadavIM dishankimiti dehadhR^iktaM bhaveH || 14||
jalaM na cha himena vA.atra kaTakaiH suvarNaM tathA
      vibhinnamupalaishcha bho mR^idiha chandanaM mUrtitaH |
viniShTamapi no bhavedvikR^itimatprasiddhaM cha tat
      paraM tu jagato.amunA bahuvisheShakAryaM kila || 15||
tavAsti nanu bAdhakaM yadi tu rUpadhR^iktaM guro
      kathaM jagati vishruto.asi bhagavastamatreH sutaH |
vilobhaya na mAM jaDaM kila guro.atra me tvaM gatiH
      prabho tvaraya mA chiraM charaNadarshanaM prArthaye || 16||
tava trimukhapa~NkajaiH prakaTitaM svasachchitsukhaM
      tvadIya vadanaprabhA khalu nidarshayed brahma tat |
suhAsyamatinirmalaM tava vadejjaganmAyikaM
      tvadIyakaruNArdradR^ig jhaTiti mAthikaM saMharet || 17||
ahaM hyatanunirguNaM kathamahaM sharIrIti cha
      sharIradharaNe.akShamo.ahamiti mA guro mA vada |
kadApi bhavasIha bho na cha vikArayuktaM vapuH
      na chedavatareH svayaM kathamitisvarUpaM disheH || 18||
na bhUratha na vA jalaM na cha tathA.analo vA.anilo
      na khaM tvayi vibho tathA kimapi naiva pa~nchIkR^itam |
na piNDamathavA.api no khalu virANNa vishvaM dhruvaM
      na jIva iti vAsanA ratiratho na nArI naraH || 19||
na sA prakR^itirapyaho tvayi pumA~njagatsarjanaM
      chidekarasabhUmni bhostvayi na vishvasa~Nkalpanam |
na sUkShma viyadAdyaho na cha tathA.apyApa~nchIkR^itaM
      na sUkShma mahadAdikaM na cha hiraNyagarbhastathA || 20||
nirAvR^itaguro tamastvayi vibhAti kiM svaprabhe
      na dR^ishyamapi no tathA bhavati bhostadavyaktakam |
mahesha iti no tathA khalu na bIjasR^iShTishcha yA
      svamAtraparamAdvaye kathamidaM cha sambhAvyate || 21||
na jIvajagadAdikaM tvamiti bho mahesho.api no
      na kAryamapi no tathA bhavasi kAraNaM tasya tat |
guro.asya tu vibhAvanaM tvayi yathAtra rajjau phaNI
      na khe jalamuchaH kR^itistvayi tathA na mAyAkR^itiH || 22||
aho ghaTayate guro.aghaTitameva mAyA tu yA
      nirUpayitumAspadA na khalu sAtisha~NkAspadA |
atIva nanu vismayA bhavati hanta satyA.asatI
      tvayaiva kila nashyati svayamataH pratIkShe.anisham || 23||
anekaduradR^iShTato bahulavighnabAdhA guro
      manastu bahu cha~nchalaM bhramati digpaTe durdamam |
na vajratanurapyaho bhavati dushcharaM no tapo
      na shuddhahR^idayaM tathApi bata kiM vadeyaM prabho || 24||
na shAstramapi no shrutiM na cha tathA smR^itiM vedmyahaM
      na saMskR^itamathApa vA khalu na vedmyahaM prAkR^itam |
na bhaktirapi me.asti bho bhavati naiva yogastathA
      hyaho jaDamatirguro kimuta vedmi kiM brahma tat || 25||
nijaM hi kathayAmi te tanusukhAya lubdhosmyahaM
      bhavetkathamupoShaNaM vratamapIti kR^ichChrAdikam |
atIva khalu durbalo mama na nigraho.asti kvachit
      ahaM patita IdR^ishaH patitapAvanastvaM guro || 26||
guNena rahito.asmyahaM sakaladurguNAla~NkR^itaH
      na ko.api khalu matsamaH sakalanIchamaulistvaham |
suvIkShya cha mamedR^ishaM tyajasi chetkuto.anyAshrayaH
      tvameva gatiratra me karuNayA padaM darshaya || 27||
samartha iti vishrato.asi bhuvi kiM na shakyaM tvidaM
      guro khalu parIkShya mAmiha na, pAhi hInosmyaham |
ahaM yadi samuddhR^ito bhuvi na durghaTaM te bhavet
      susAdhyamakhilaM tataH kuru dayAM cha mAmuddhara || 28||
atIva vinatosmyahaM viShayamohapAshArditaH
      kShaNaM yugasamaM bhavedvirahato.atiduHkhI guro |
jalAbdahiraho yadA bhavati kiM sukhI matsyakaH
      tathaiva bahirAgatastava nijasthiterasmyaham || 29||
upAdhita iti bruve nijamatho.amalaM vedmyahaM
      tvayaiva nirupAdhiko nanu guro na mAM tvaM jahi |
asa~Nga upavidya bhoH satatamAtra mAmuddhara
      yadi tvamahameva tatkimiti hAtumarho bhaveH || 30||
prabho tyajasi mAM hi chettava na darshanaM dAsyasi
      na shakya iti bho guro khaluhasanti kIrtirna te |
madIyamapi jIvanaM bhavati garhitaM he prabho
      jahI hi na guro kR^ipAM kuru cha darshanaM dehi me || 31||
vadeyamiti kiM guro sakalahR^idgataM vetsi bhoH
      stuve kimadhikaM stute shrutiraho prabho tvAM sadA |
anekasaguNairvR^itA madadhikAshcha bhaktAstava
      tvameva hi guro.advayo mama tu ko.api nAnyo bhuvi || 32||
vichArya sakalaM guro kuru tathA yathA tvanmatiH
      balAtkimiha shakyate savinayena bhoH prArthaye |
anAthamiti mAM guro kuru sanAthamasmi~njane
      hyatIva dayayAyuto jhaTiti darshanaM dehi me || 33||
sanAtana iti shruto bhavati vishvasetustu yo
      bhavatprabhavadharma evamiha duShTadaityairhR^itaH |
satItvamapi lA~nChitaM kila viDambanaM duHsahaM
      prabho svajanarakShaNe kimiti sha~Nkase.adyApi hi || 34||
mumukShujanadurdashA kathamiyaM cha sahyA tava
      mumukShujanajIvitaM bahu vigarhitaM laukikaiH |
hasanti paramArthinaM khalu na vishvasantIha te
      surA api Chalanti bho bahubalAchcha kAmAdikaiH || 35||
kalau tu paramArthinAM jagati jIvanaM kaShTadaM
      ahaM khalu na tatsahe tava tadarthamevAshrayaH |
svarUpapathagAminastvamiha me sahAyo bhava
      guro.atidayayAyutastava padAmbujaM darshaya || 36||
atIva khalu durjayA santata kashmalA dushcharA
      sadaiva sukhamAhitA viShayavAsanA yojane |
aho duritarUpiNI kila bhavedavidyA tu yA
      tavaiva kR^ipayA vinA na cha kadApi shAmyedguro || 37||
svayaM hi na sahAyakR^idbhavasi sAdhakAnAM yadi
      vR^ithA kimiti rAjase tvamiha dattanAmnA guro |
turIyapadanandinaH patitapAvanasya prabho
      kimipsitasukhaM cha te jagati jIvamokShAdR^ite || 38||
kShamasva dayayAyuto yadi bhaved duruktirmama
      kShamasva cha guro kuto.api vinayasya bha~Ngo yadi |
na heturiha me prabho bhavati tAdR^isho vetsi mAM
      tvameva mama jIvanaM gatirapi svabhUmnaH sukham || 39||
dayAbdhiramito.asi bhoH sakalabhUtavAso guruH
      svatantra sakalArtha vitsunipuNo jagatpAvanaH |
tavAtra jagatItale prakaTanaM cha yatsvechChayA
      svabhaktajanamuktaye dhruvamidaM hi datta prabho || 40||
vilambaya jagadguro kShaNamapIha mA dhAvane
      tvadIya padadarshanAjjagati mAM sanAthaM kuru |
apAvR^iNu vimohanaM sakalamAyikaM bandhanaM
      tvadIya sakalAtmake sthirapade cha mAM sthApaya || 41||
tvadIya padadarshanAtsakaladuHkha shAntirnR^iNAM
      tvadIya padapa~NkajaM dahati duShkR^itaM pApakam |
kathaM vasati tattR^iNaM dhagadhagAvamAne.anile
      kathaM sthirati tattamo gaganamadhyasUryAtape || 42||
kimarthamiti sha~Nkase na cha kimarthamAyAsi bho
      bhavenna mama duShkR^itaM kimapi chettavAgre guro |
kimasti khalu vighnakR^itpratividhAtumatra prabho
      tvameva paramaM bR^ihattava samo na kovA.adhikaH || 43||
na devarajanIcharau manujavanyavakShAdikAH
      kShamAshcha damane tadA manasi chettavAstIha bhoH |
vidhirna cha kuyoga ityapi bhavenna chopAsanaM
      kimastI khalu vighnakR^ittava na darshanaM me guro || 44||
na karma sachivo.asi bhoH phalitamIkShase chedguro
      na yoga iti vakShi chetkathamidaM tvayA bhAvyate |
svatantra nirupAdhikaH sakalama~NgalastvaM yataH
      vilobhaya na mAM guro jhaTiti darshanaM dehi me || 45||
kimarthamatinirghR^iNo bhavasi bho dayAsAgaraH
      dayAbdhirapi nirghR^iNo mama na vAkvadettatvataH |
kimarthamatidurlabhaM charaNadarshanaM te vada
      nirUpayitumapyaho.atra tava hetumAyAhi bhoH || 46||
aho na khalu vArito bhavati saMshayo bho yadA
      na so.ahamiti vedayaH pashusamaH sa vedo.avadat |
nijaM hi kathayAmi te mama na vismR^itaM tatkadA
      hyahaM tvamiti nishchayo mama na saMshayo.asminkvachit || 47||
na mR^ityuvashago guro.ahamiti bhedabhAnena bho
      na bhIrapi bhavetprabho bhavati sA dvitIyAdyataH |
ahaM tvamiti chetkathaM chirayase guro mAM vada
      kimarthamaNusaMshayo jahi hi te padaM darshaya || 48||
aho jagadidaM guro vividhanAmarUpAtmakaM
      tathApi nijamAtrato.atra khalu vedmyahaM tadyathA |
tathaiva tavadarshane mama na bhinnabhAvaM kvachit
      tathApi jagatItale bhavati tena kAryaM bR^ihat || 49||
adharmaruchayo janA bata hitaM na jAnanti yat
      anItivashavartinaM hi bahumanvate laukikAH |
aho jagati durlabhA bhavati tattvadR^iShTirguro
      dhruvaM hi tava darshanaM kila tavAvatAro bhuvi || 50||
guro chiraya mA prabho tvaraya harshanaM dehi me
      bruve kimadhikaM stuve chiramatho vibho.asmAtparam |
atipraNatavatsalo.asi khalu vishvakalyANakR^it
      manobhilaShitaM tavAstu nijabhUmni mAM sthApaya || 54||

iti shrImatparamahaMsaparivrAjakAchAryasadgurubhagavatA
shrIdharasvAminA virachitaM shrIdattastotraM sampUrNam ||
##

Proofread by Paresh Panditrao 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}