श्रीभूतराजस्तोत्रम्
प्रसादार्थं सदा नारायणभूताख्यमादरात् ।
वादिराजगुरोर्दूतं भूतराजं नतोऽस्म्यहम् ॥ १॥
स्मरतां नियमेनैव भूतभीत्यादिभञ्जनम् ।
वादिराजगुरोर्दूतं भूतराजं नतोऽस्म्यहम् ॥ २॥
गुरोर्दक्षिणभागस्थं भजतां भद्रदं द्रुतम् ।
वादिराजगुरोर्दूतं भूतराजं नतोऽस्म्यहम् ॥ ३॥
भृतैः कर्णविकर्णाख्यैर्युक्तं भूतगणैः सदा ।
वादिराजगुरोर्दूतं भूतराजं नतोऽस्म्यहम् ॥ ४॥
क्रूरं घोरं तथा शूरं धनुःखड्गादि धारिणम् ।
वादिराजगुरोर्दूतं भूतराजं नतोऽस्म्यहम् ॥ ५॥
प्रतापवन्तं वीराग्र्यं वीरभद्रोपमं हृदि ।
वादिराजगुरोर्दूतं भूतराजं नतोऽस्म्यहम् ॥ ६॥
रक्ताम्बरधरं रम्यपुष्पमालासुशोभितम् ।
वादिराजगुरोर्दूतं भूतराजं नतोऽस्म्यहम् ॥ ७॥
रत्नौघवलयोपेतं मुक्ताहारविभूषितम् ।
वादिराजगुरोर्दूतं भूतराजं नतोऽस्म्यहम् ॥ ८॥
अर्काभाङ्गदसंयुक्तं रत्नकुण्डलमण्डितम् ।
वादिराजगुरोर्दूतं भूतराजं नतोऽस्म्यहम् ॥ ९॥
उत्तुङ्गतुरगारूढं छत्रचामरसेवितम् ।
वादिराजगुरोर्दूतं भूतराजं नतोऽस्म्यहम् ॥ १०॥
दिव्यचन्दनलिप्ताङ्गं कस्तूरीतिलकाञ्चनम् ।
वादिराजगुरोर्दूतं भूतराजं नतोऽस्म्यहम् ॥ ११॥
अचिन्त्याद्भुतसन्मूर्तिं किरिटोज्जलमस्तकम् ।
वादिराजगुरोर्दूतं भूतराजं नतोऽस्म्यहम् ॥ १२॥
कुबेरकोशादानीतं दिव्यमौलीन्दुपार्षदम् ।
वादिराजगुरोर्दूतं भूतराजं नतोऽस्म्यहम् ॥ १३॥
मस्तकार्पित तन्मौलिं वादिराजस्य सन्मुनेः ।
वादिराजगुरोर्दूतं भूतराजं नतोऽस्म्यहम् ॥ १४॥
मानेन गुरुणा दत्ते नूपरे दधतं मुदा ।
वादिराजगुरोर्दूतं भूतराजं नतोऽस्म्यहम् ॥ १५॥
तस्माद् गुरोः प्रसादस्य पूर्णपात्रं तपोनिधिम् ।
वादिराजगुरोर्दूतं भूतराजं नतोऽस्म्यहम् ॥ १६॥
रक्षकं महिमासक्तं सदा सर्वत्र सर्वदा ।
वादिराजगुरोर्दूतं भूतराजं नतोऽस्म्यहम् ॥ १७॥
वादिराजगुरोर्दूत भूतराजस्तुतिं सदा ।
यः पठेच्चिन्तितं क्षिप्रं भवेत्तस्य न संशयः ॥ १८॥
श्रीवादिराजहृत्पद्मसंस्थितं तुरगाननम् ।
भजामि सततं सर्वविनुतं चित्तशुद्धये ॥ १९॥
॥ इति श्रीभूतराजस्तोत्रं सम्पूर्णम् ॥