% Text title            : Agni Stotram
% File name             : agnistotram.itx
% Category              : deities\_misc, stotra
% Location              : doc\_deities\_misc
% Proofread by          : Lalitha Parameswari parameswari.lalitha at gmail.com, NA
% Description/comments  : Markandeya Purana adhyAya 96, verses 27-72
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Agnistotram ..}##
\itxtitle{.. agnistotram ..}##\endtitles ##
OM namaH sarvabhUtAnAM sAdhanAya mahAtmane |
ekadvipa~nchadhiShNyAya rAjasUye ShaDAtmane || 1||

namaH samastadevAnAM vR^ittidAya suvarchase |
shukrarUpAya jagatAmasheShANAM sthitipradaH || 2||

tvaM mukhaM sarvadevAnAM tvayAttaM bhagavanhaviH |
prINayasyakhilAndevAMstvatprANAH sarvadevatAH || 3||

hutaM havistvayyanala medhatvamupagachChati |
tatashcha jalarUpeNa pariNAmamupaiti yat || 4||

tenAkhilauShadhIjanma bhavatyanilasArathe |
auShadhIbhirasheShAbhiH sukhaM jIvanti jantavaH || 5||

vitanvate narA yaj~nA.nstvatsR^iShTAsvoShadhIShu cha |
yaj~nairdevAstathA daityAstadvadrakShAMsi pAvaka || 6||

ApyAyyante cha te yaj~nAstvadAdhArA hutAshana |
ataH sarvasya yonistvaM vahne sarvamayastathA || 7||

devatA dAnavA yakShA daityA gandharvarAkShasAH |
mAnuShAH pashavo vR^ikShA mR^igapakShisarIsR^ipAH || 8||

ApyAyyante tvayA sarve saMvardhyante cha pAvaka |
tvatta evodbhavaM yAnti tvayyante cha tathA layam || 9||

apaH sR^ijasi devatvaM tvamatsi punareva tAH |
pachyamAnAstvayA tAshcha prANinAM puShTikAraNam || 10||

deveShu tejorUpeNa kAntyA siddheShvavasthitaH |
viSharUpeNa nAgeShu vAyurUpaH patattriShu || 11||

manujeShu bhavAnkrodho mohaH pakShimR^igAdiShu |
avaShTambho.asi taruShu kAThinyaM tvaM mahIM prati || 12||

jale dravastvaM bhagavA~njavarUpI tathA.anile |
vyApitvena tathaivAgne nabhasi tvaM vyavasthitaH || 13||

tvamagne sarvabhUtAnAmantashcharasi pAlayan |
tvAmekamAhuH kavayastvAmAhustrividhaH punaH || 14||

tvAmaShTadhA kalpayitvA yaj~navAhamakalpayan |
tvayA sR^iShTamidaM vishvaM vadanti paramarShayaH || 15|| ## var ## spaShTamidaM


tvAmR^ite hi jagatsarvaM sadyo nashyeddhutAshana |
tubhyaM kR^itvA dvijaH pUjAM svakarmavihitAM gatim || 16||

prayAnti havyakavyAdyaiH svadhAsvAhAbhyudIraNAt |
pariNAmAtmavIryANi prANinAmamarArchita || 17||

dahanti sarvabhUtAni tato niShkramya hetayaH |
jAtavedastvayaivedaM vishvaM sR^iShTaM mahAdyute || 18||

tavaiva vaidikaM karma sarvabhUtAtmakaM jagat |
namaste.anala pi~NgAkSha namaste.astu hutAshana! || 19||

pAvakAdya namaste.astu namaste havyavAhana |
tvameva sarvabhUtAnAM pAvanAdvishvapAvanaH || 20||

tvameva bhuktapItAnAM pAchanAdvishvapAchakaH |
sasyAnAM pAkakartA tvaM poShTA tvaM jagatastathA || 21||

tvameva meghastvaM vAyustvaM bIjaM sasyahetukam |
poShAya sarvabhUtAnAM bhUtabhavyabhavo hyasi || 22||

tvaM jyotiH sarvabhUteShu tvamAdityo vibhAvasuH |
tvamahastvaM tathA rAtrirubhe sandhye tathA bhavAn || 23||

hiraNyaretAstvaM vahne hiraNyodbhavakAraNam |
hiraNyagarbhashcha bhavAnhiraNyasadR^ishaprabhaH || 24||

tvaM muhUrtaM kShaNashcha tvaM, tvaM truTistvaM tathA lavaH |
kalAkAShThAnimeShAdirUpeNAsi jagatprabho! || 25||

tvametadakhilaM kAlaH pariNAmAtmako bhavAn |
yA jihvA bhavataH kAlI kAlaniShTAkarI prabho |
tayA naH pAhi pApebhyaH aihikAchcha mahAbhayAt || 26||

karAlInAma yA jihvA mahApralayakAraNam |
tayA naH pAhi pApebhyaH aihikAchcha mahAbhayAt || 27||

manojavA cha yA jihvA laghimAguNalakShaNA |
tayA naH pAhi pApebhyaH aihikAchcha mahAbhayAt || 28||

karoti kAmaM bhUtebhyo yA te jihvA sulohitA |
tayA naH pAhi pApebhyaH aihikAchcha mahAbhayAt || 29||

sudhUmravarNA yA jihvA prANinAM rogadAyikA |
tayA naH pAhi pApebhyaH aihikAchcha mahAbhayAt || 30||

sphuli~NginI cha yA jihvA yataH sakalapudgalAH |
tayA naH pAhi pApebhyaH aihikAchcha mahAbhayAt || 31||

yAte vishvasR^ijA jihvA prANinAM sharmadAyinI |
tayA naH pAhi pApebhyaH aihikAchcha mahAbhayAt || 32||

pi~NgAkSha lohitagrIva kR^iShNavartma hutAshana |
trAhimAM sarvadoShebhyaH saMsArAduddhareha mAm || 33||

prasIda vahne saptArchiH kR^ishAno havya vAhana |
agnipAvaka shukrAdi nAmAShTAbhirudIritaH || 34||

agne.agre sarvabhUtAnAM samutpattiribhAvaso |
prasIda havyavAhAkhya, abhiShTuta mayAvyaya || 35||

tvamakShayo vahnirachintya rUpaH samR^iddhimanduShprasahA.atitIvraH |
tavAvyayaM bhImamasheShaloka saMvardhakaM hantyadhavAtivIryam || 36||

tvamuttamaM tattvamasheSha satva hR^itpuNDarIkasthamanantamIDyam |
tvayA tataM vishvamidaM charAcharaM hutAshanaiko bahudhA tvamatra! || 37||

tvamakShayaH sagirivanA vasundharA nabhaH sasomArkamahardivAkhilaM! |
mahodadherjaThara gatashcha bADabo bhavAnvibhuH pibati payAMsi pAvaka || 38||

hutAshanastvamiti sadAbhi pUjyase mahAkratau niyamaparairmaharShibhiH |
abhiShTutaH pisisi cha somamadhvare vaShaTkR^itAnyapi cha havIShi bhUtaye || 39||

tvaM vipraiH satatamihejyase phalArthaM vedA~NgeShvatha sakaleShu gIya se tvam |
tvaddhetoryajana parAyaNA dvijendrA vedA~NgAnyadhigamayanti sarvakAle || 40||

tvaM brahmA yajanaparastathaiva viShNuH bhUteshaH surapatiraryamA jaleshaH |
sUryendU sakala surAsurAshcha havyaiH santoShyA.abhimataphalAnyathApnuvanti || 41||

archibhiH paramamahopaghAtaduShTaM saMspR^iShTaM tava shuchi jAyate samastam |
snAnAnAM paramamatIva bhasmanA satsandhyAyAM munibhiratIva sevyase tat || 42||

tatkR^itvA tridivamavApnuvanti lokAH sadbhaktyA sukhaniyatAH samUhagatim |
prasIdavahne shuchinAmadheya prasIda vAyo vimalAtidIpte || 43||

prasIda me pAvaka vaidyutAbha prasIda havyAshana pAhi mAM tvam |
yattevahne shivaM rUpaM ye cha te sapta hetayaH |
taiH pAhi na stutodeva pitA putramivAtmajam || 44||

iti shrImArkaNDeyapurANe bhautyamanvantare.agnistotraM sampUrNam |
ShaNNvatitamo.adhyAyaH |
##
Markandeyapurana adhyAya 96, verses 27-72
Verse numbers slightly differ from print to print.
Proofread by Lalitha Parameswari parameswari.lalitha at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}