% Text title            : ishvara Dhyana Manjari Compiled from Prapanchasara by Shankaracharya
% File name             : IshvaradhyAnamanjarIH.itx
% Category              : deities\_misc, sangraha, dhyAnam, shankarAchArya
% Location              : doc\_deities\_misc
% Proofread by          : Aruna Narayanan
% Latest update         : August 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvara Dhyana Manjari Compiled from Prapanchasara ..}##
\itxtitle{.. prapa~nchasArataH sa~NkalitA IshvaradhyAnama~njarI ..}##\endtitles ##
       || shrIH ||
shrI gurubhyo namaH |
jagadguru shrIsha~NkarabhagavatpAdavirachitaprapa~nchasArataH sa~NkalitA
       shrI gaNapataye namaH |
gururbrahmA gururviShNuH gururdevo maheshvaraH |
guruH sAkShAtparaM brahma tasmai shrIgurave namaH ||
shrutismR^itipurANAnAmAlayaM karuNAlayam |
namAmi bhagavatpAdasha~NkaraM lokasha~Nkaram ||
shuklAmbaradharaM viShNuM shashivarNaM chaturbhujam |
prasannavadanaM dhyAyetsarvavighnopashAntaye ||
\section{1\. shrI shAradA}
akachaTatapayAdyaiH saptabhirvarNavargaiH
virachitamukhabAhApAda hR^itkukShimadhyA |
sakalajagadadhIshA shAshvatA vishvayoniH
vitaratu parishuddhiM chetasaH shAradA vaH || 1\.1||
\section{2\. mAtR^ikA sarasvatI}
pa~nchAshadvarNabhedaiH vihitavadanadoH pAdayuk kukShivakSho\-
       deshAM bhAsvatkapardAkalitashashikalAmindukundAvadAtAm |
akShasrakkumbhachintAlikhitavarakarAM trIkShaNAM padmasaMsthAM
       achChAkalpAmatuchChastanajaghanabharAM bhAratIM tAM namAmi ||
\section{3\. tripurA}
AtAmrArkAyutAbhAM kalitashashikalAra~njitaptAM triNetrAM
       devIM pUrNenduvaktrAM vidhR^itajapapaTIpustakAbhItyabhIShTAm |
pInottu~NgastanArtAM valilasitavalagnAmasR^ikpa~NkarAjan\-
       muNDasra~NmaNDitA~NgImaruNataradukUlAnulepAM namAmi ||
\section{4\. vAgIshvarI}
amalakamalasaMsthA lekhinIpustakodyat\-
       karayugalasarojA kundamandAragaurA |
dhR^itashashadharakhaNDollAsikoTIrachUDA
       bhavatu bhavabhayAnAM bha~NginI bhAratI vaH ||
\section{5\. sarasvatI}
haMsArUDhA bhasitahara hArendukundAvadAtA
       vANI mandasmitayutamukhI maulibaddhendulekhA |
vidyA vINAmR^itamayaghaTAkShasragAdIptahastA
       shubhrAbjasthA bhavadabhimataprAptaye bhAratI syAt ||
\section{6\. bhuvaneshvarI}
udyadbhAsvatsamAbhAM vijitanavajapAmindukhaNDAvanaddha\-
       dyotanmauliM triNetrAM vividhamaNilasatkuNDalAM padmagAM cha |
hAragraiveyakA~nchIguNamaNivalayAdyairvichitrAmbarADhyAM
       ambAM pAshA~NkusheShTAbhayakarakamalAmambikAM tAM namAmi ||
bhAsvadratnaughamaulisphuradamR^itarucho ra~njayachchAru rekhAM
samyaksantaptakArtasvarakamalajapAbhAsurAbhiH prabhAbhiH |
vishvAkAshAvakAshaM jvalayadashishiraM dhartR^i pAshA~NkusheShTA\-
bhItInAM bha~Ngitu~Ngastanamavatu jaganmAturArkaM vapurvaH ||
\section{7\. lakShmIH}
bhUyAdbhUyo dvipadmAbhayavaradakarA taptakArtasvarAbhA
       shubhrAbhrAbhebhayugmadvayadhR^itakarakumbhAdbhirAsichyamAnA |
ratnaughAbaddhamaulirvimalataradukUlArtavAlepanADhyA
       padmAkShI padmanAbhorasi kR^itavasatiH padmagA shrIH shriye vaH ||
padmasthA padmanetrA kamalayugavarAbhItiyugdoHsarojA
       dehotthAbhiH prabhAbhistribhuvanamakhilaM bhAsurA bhAsayantI |
muktAhArAbhirAmonnatakuchakalashA ratnama~njIrakA~nchI\-
       graiveyormya~NgadADhyA dhR^itamaNimakuTA shreyase shrIrbhavedvaH ||
hastodyadvasupAtrapa~NkajayugAdarshA sphurannUpura\-
       graiveyA~NgadahAraka~NkaNamahAmaulijvalatkuNDalA |
padmasthA parichArikAparivR^itA shuklA~NgarAgAMshukA
       devI divyagaNAnatA bhavadaghapradhvaMsinI syAdramA ||
aruNakamalasaMsthA tadrajaHpu~njavarNA
       karakamaladhR^iteShTAbhIti yugmAmbujA cha |
maNimakuTavichitrAla~NkR^itakalpajAtaiH
       bhavatu bhuvanamAtA santataM shrIH shriye vaH ||
\section{8\. tripuTAdevI}
AbaddharatnamakuTAM maNikuNDalodyat\-
       keyUrakormirashanAhvayanUpurADhyAm |
dhyAye dhR^itAbjayugapAshakashA~NkushekShu\-
       chApAM sapuShpavishikhAM navahemavarNAm ||
\section{9\. bhUdevI}
mukhyAmbhoje niviShTAruNacharaNatalA shyAmalA~NgI manoj~nA
       cha~nchachChAlyagrachumbachChukalasitakarA prAptanIlotpalA cha |
ratnAkalpAbhirAmA maNimayamakuTA chitravastrA prasannA
       dishyAdvishvambharA naH satatamabhimataM vallabhA kaiTabhAreH ||
\section{10\. tvaritA}
shyAmatanumaruNapa~NkajacharaNatalAM vR^iShalanAgama~njIrAm |
svarNAMshukaparidhAnAM vaishyAhidvandvamekhalAkalitAm ||
tanumadhyalatAM pR^ithulastanayugalAM karavirAjadabhayavarAm |
shikhipi~nChanAlavalayAM gu~njAphalaguNitabhUShaNAruNitAm ||
nR^ipaphaNikeyUrAM tAM galavilasadvividhamaNiyutAbharaNAm |
dvijanAgavihitakuNDalamaNDitagaNDadvayI mukurashobhAm ||
shoNatarAdharapallavavidrumamaNibhAsurAM prasannAM cha |
pUrNashashibimbavadanAmaruNAyatalochanatrayInalinAm |
ku~nchitakuntalavilasanmakuTAghaTitAhi vairipi~nChayutAm ||
kairAtIM vanakusumojjvalAM mayUrAtapatraketanikAm |
suruchirasiMhAsanagAM vibhramasamudAyamandirAM taruNIm || (dhyAye)
\section{11\. vajraprastAriNI}
indukalAkalitojjvalamauliH
       mAramadAkulitA yuganetrA |
shoNitasindhutara~Ngitapota\-
       dyotitabhAnudalAmbujasaMsthA ||
dordhR^itadADimasAyakapAshA
       sA~NkushachApakapAlasametA |
shoNadukUlavilepanamAlyA
       shoNatarA bhavato.avatu devI ||
\section{12\. nityaklinnA}
raktA raktAMshukakusumavilepAdikA sendumauliH
       svidyadvaktrA madavivashasamAghUrNitatrIkShaNA cha |
dossatpAshA~NkushayutakapAlAbhayA padmasaMsthA
       devI pAyAdamitaphaladA nityashaH pArvatI vaH ||
\section{13\. durgA}
sha~NkhArichApasharabhinnakarAM triNetrAM
       tigmetarAMshukalayA vilasatkirITAm |
siMhasthitAM sasurasiddhanutAM cha durgAM
       dUrvAnibhAM duritagarvaharAM namAmi ||
hemaprakhyAmindukhaNDAttamauliM
       sha~NkhAriShTAbhIti hastAM triNetrAm |
hemAbjasthAM pItavastrAM prasannAM
       devIM durgAM divyarUpAM namAmi ||
arisha~Nkha kR^ipANakheTabANAn
       sadhanuHshUlakatarjanIrdadhAnA |
bhavatAM mahiShottamA~NgasaMsthA
       navadUrvAsadR^ishI shriye.astu durgA ||
\section{14\. shUlinIdurgA}
bibhrANA shUlabANAsyarisadaragadAchApapAshAn karAbjaiH
       meghashyAmA kirITollikhitajaladharA bhIShaNA bhUShaNADhyA |
siMhaskandhAdhirUDhA chatasR^ibhirasikheTAnvitAbhiH parItA
       kanyAbhirbhinnadaityA bhavatu bhavabhayadhvaMsinI shUlinI vaH ||
\section{15\. jAtavedo durgA}
bhAsvadvidyutkarAlAkulaharigalasaMsthArisha~NkhAsikheTe\-
ShvastrAsAkhyatrishUlAnarigaNabhayadAM tarjanIM chAdadhAnA |
charmAsyudghUrNadorbhiH praharaNanipuNAbhirvR^itA kanyakAbhiH
dadyAtkArshAnavIShTAn triNayanalasitA kApi kAtyAyanI vaH |
karakamalavirAjachchakrasha~NkhAsishUlA
       parilasitakirITA pAtitAnekavidyA |
triNayana lasitA~NgI tigmarashmiprakAshA\-
       pavanasakhanibhA~NgI pAtu kAtyAyanI vaH ||
\section{16\. ajapAmUrtiH}
aruNakanakavarNaM padmasaMsthaM cha gaurI\-
       haraniyamitachihnaM saumyatAnUnapAtam |
bhavatu bhavadabhIShTaprAptaye pAshaTa~NkA\-
       bhayavaradavichitraM rUpamardhAmbikesham ||
\section{17\. agniH}
agniM prajvalitaM vande jAtavedaM hutAshanam |
suvarNavarNamamalaM samiddhaM vishvatomukham ||
triNayanamaruNaptAbaddhamauliM sushuklAM\-
       shukamaruNamanekAkalpamambhojasaMstham |
abhimatavarashaktisvastikAbhIti hastaM
       namata kanakamAlAla~NkR^itAMsaM kR^ishAnum ||
shakti svastika pAshAn sA~NkushavaradAbhayAn dadhat trimukhaH |
makuTAdivividhabhUSho.avatAchchiraM pAvakaH prasanno naH ||
haimAshvatthasuradrumodarabhuvo niryAntamashvAkR^itiM
       varShantaM dhanadhAnyaratnanichayAn randhraiH svakaiH santatam |
jvAlApallavita svaromavivaraM bhaktArtisa.nbhedanaM
       vande dharmasukhArthamokShaphaladaM divyAkR^itiM pAvakam ||
\section{18\. sUryaH}
aruNasaroruhasaMsthaH tridR^igaruNo.aruNasarojayugaladharaH |
kalitAbhayavarado dyutibimbo.amitabhUShaNastvino.avatu naH ||
aruNo.aruNapa~Nkaje niShaNNaH kamale.abhItivarau karairdadhAnaH |
svaruchAhitamaNDalatriNetro ravirAkalpashatAkulo.avatAdvaH ||
\section{19\. chandraH}
amalakamalasaMsthaH suprasannAnanenduH
       varadakumudahastashchAruhArAdibhUShaH |
sphaTikarajatavarNo vA~nChitaprAptaye vo
       bhavatu bhavadabhIShTodyotitA~NkaH shashA~NkaH ||
\section{20\. mahAgaNapatiH}
mandArAdyaiH kalpakavR^ikShavisheShairvishiShTataraphaladaiH |
shishiratarachaturAshe.antarbAlAtapachandrikAkule cha tale ||
aikShavajalanidhilaharIkaNajAlakavAhinA cha gandhavahena |
saMsevite cha surataru sumanaHshritamadhupapakShachalanapareNa ||
ratnamaye maNivajrapravAlaphalapuShpapallavasya sataH |
mahato.adhastAdR^itubhiH yugapat saMsevitasya kalpataroH ||
siMhamukhapAdapIThagalipimayapadme triShaTkoNollasite |
AsInastvekarado bR^ihadudaro dashabhujo.aruNatanushcha gajavadanaH ||
bIjApUragadekShukArmukarujAchakrabjapAshotpala\-
       vrIhyagrasvaviShANaratnakalashaprodyatkarAmbhoruhaH |
dhyeyo vallabhayA sapadmakarayA shliShTo jvaladbhUShayA
       vishvotpattivipattisaMsthitikaro vighno vishiShTArthadaH ||
karapuShkaradhR^itakalashasrutamaNimuktApravAlavarSheNa |
       aviratadhArAM vikiran paritaH sAdhakasamagrasampattyai |
madajalalolupamadhukaramAlAM nijakarNatAlatADanayA |
       nirvAsayanmuhurmuhuH amarairasuraishcha sevito yugapat ||
rakto raktA~Nga rAgAMshukakusumayutastundilashchandramauliH
       netrairyuktastribhirvAmanakaracharaNo bIjapUrAttanAsaH |
hastAgrAklR^iptapAshA~Nkusharadavarado nAgavaktro.ahibhUSho
       devaH padmAsano no bhavatu natasuro bhUtaye vighnarAjaH ||
\section{21\. kShipraprasAdanagaNapatiH}
dhR^itapAshA~NkushakalpakalatikAsvaradashcha bIjapUrayutaH |
shashishakalakalitamauliH trilochano.aruNashcha gajavadanaH ||
bhAsurabhUShaNadIpto bR^ihadudaraH padmaviShTaro lalitaH |
dhyeyo.anAyatadoHpadasarasiruhaH sampade sadA manujaiH ||
\section{22\. kAmadevaH}
aruNamaruNavAsomAlyadAmA~NgarAgaM
       svakarakalitapAshaM sA~NkushAstreShuchApam |
maNimayamakuTAdyairdIptamAkalpajAtaiH
       aruNanalinasaMsthaM chintayeda~Ngayonim ||
\section{23\. shrIkR^iShNaH}
avyAnmIlatkalAyadyutirahiripupi~nChollasatkeshajAlo
       gopInetrotpalArAdhita lalitavapurgopagovR^indavItaH |
shrImadvaktrAravinda pratihasitashashA~NkAkR^itiH pItavAsAH
       devo.asau veNuvAdyakShapitajanadhR^itirdevakInandano vaH ||
\section{24\. shrI viShNuH}
viShNuM bhAsvatkirITA~NgadavalayagalAkalpahArodarA~Nghri\-
       shroNIbhUShaM savakShomaNimakaramahAkuNDalAmaNDitA~Ngam |
hastodyachchakrasha~NkhAmbujagadamamalaM pItakausheyamAshA\-
       vidyotadbhAsamudyaddinakarasadR^ishaM padmasaMsthaM namAmi ||
arkaughAbhaM kirITAnvitamakaralasatkuNDalaM dIptirAjat\-
       keyUraM kaustubhAbhAshabalaruchirahAraM sapItAmbaraM cha |
nAnAratnAMshubhinnAbharaNashatayujaM shrIdharAshliShTapArshvaM
       vande doHsakta chakrAmburuhadaragadaM vishvavandyaM mukundam ||
harimujjvala chakradarAbjagadA\-
       kuladoHparighaM sitapadmagatam |
valayA~NgadahArakirITadharaM
       navakundaruchiM praNamAmi sadA ||
\section{25\. shrI sudarshana nArAyaNaH}
avyAdbhAskara saprabhAbhirakhilAbhAbhirdisho bhAsayan
       bhImAkShaH kSharadaTTahAsa vikasad daMShTrAgradIptAnanaH |
dorbhishchakradarau gadAbjamusalAstrAsIMshcha pAshA~Nkushau
       bibhratpi~Nga shiroruho.atha bhavantashchakrAbhidhAno hariH ||
\section{26\. shrIkaraH viShNuH}
dugdhAbdhidvIpavaryapravilasitasurodyAnakalpadrumAdho
       bhadrAmbhojanmapIThoparigatavinatAnandanaskandhasaMsthaH |
dorbhirbibhradrathA~NgaM sadaramatha gadApa~Nkaje svarNavarNo
       bhAsvanmaulirvichitrAbharaNaparigataH syAchChriye vo mukundaH ||
\section{27\. varAhaH}
jAnvorApAdamudyatkanakamiva himaprakhyamAjAnu nAbheH
       kaNThAdAnAbhi vahniprabhamatha shirasashchAgalaM nIlavarNam |
maulervyomAbhamA~NkaM karalasadarisha~NkhAsikheTaM gadAsha\-
       ktyAkhyeShTAbhItiyuktaM praNamata vasudhollAsidaMShTraM varAham ||
\section{28\. nR^isiMhaH}
jAnvorAsaktatIkShNasvanakha ruchilasadbAhusaMspR^iShTakeshaH
       chakraM sha~NkhaM cha dorbhyAM dadhadanalasamajyotiShA bhagnadaityaH |
jvAlAmAlAparItaM ravishashidahanatrIkShaNaM dIptajihvaM
       daMShTrograM dhUtakeshaM vadanamapi vahan pAtu vo nArasiMhaH ||
udyadbhAsvatsahasraprabhamashaninibhatrIkShaNairvikSharantaM
       vahnInahnAya vidyuttativitatasaTAbhIShaNaM bhUShaNaishcha |
divyairAdIptadehaM nishitanakhalasadbAhudaNDairanekaiH
       sa.nbhinnaM bhinnadaityeshvaratanumatanuM nArasiMhaM namAmi ||
avyAnnirvyAjaraudrAkR^itirabhivivR^itAsyollasattIkShaNadaMShTraH
       chakraM sha~NkhaM cha pAshA~NkushakulishagadAdAraNAkhyAndadhAnaH |
raktAkArashcha nAbheradha upari sito divyabhUShAvisheShaH
       devo.arkAgnIndunetro nikhilasukhakaro nArasiMhashchiraM vaH ||
\section{29\. vishvarUpo viShNuH}
agnIShomAtmakamarigadAshAr~NgakhaDgaiH sasha~NkhaiH
       udyadbAhuM halamusalashUlaiH sakuntaiH sadaNDaiH |
shaktyA pAshA~NkushakulishaTa~NkAgnibhishchArkavahni\-
       dyotadvaktrA~NghrikasarasijaM taptakArtasvarAbham ||
viShNuM bhAsvatkirITaM maNimakuTakaTIsUtrakeyUrahAra\-
       graiveyormyAdimukhyAbharaNamaNigaNollAsidivyA~NgarAgam |
vishvAkAshAvakAshapravitatamayutAdityanIkAshamudyad\-
       bAhvagravyagranAnAyudhanikarakaraM vishvarUpaM namAmi ||
\section{30\. viShNupa~njaradevatA}
namo bhagavate sarvaviShNave vishvarUpiNe |
vAsudevAya chakrAdisarvAyudhabhR^ite namaH ||
\section{31\. shivaH}
shUlAhITa~Nka ghaNTAsisR^iNikulishapAshAgnyabhItIrdadhAnaM
       dorbhiH shItAMshukhaNDapratighaTitajaTAbhAramauliM triNetram |
nAnAkalpAbhirAmApaghanamabhimatArthapradaM suprasannaM
       padmasthaM pa~nchavaktraM sphaTikamaNinibhaM pArvatIshaM namAmi ||
bibhraddorbhiH kuThAraM mR^igamabhayavarau suprasanno maheshaH
       sarvAla~NkAradIptaH sarasijanilayo vyAghracharmAttavAsAH |
dhyeyo muktAparAgAmR^itarasakalitAdriprabhaH pa~nchavaktraH
       tryakShaH koTIrakoTIghaTitatuhinarochiShkalottu~NgamauliH ||
namo.astu sthANubhUtAya jyotirli~NgAvR^itAtmane |
chaturmUrtivapushChAyAbhAsitA~NgAya shambhave ||
vande haraM varadashUlakapAlahastaM
       sAbhItimadrisutayojjvaladehakAntim |
vAmorupIThagatayA nijavAmahasta\-
       nyastAruNotpalaruchA parirabdhadeham ||
vAmA~NkanyastavAmetarakarakamalAyAstathA vAmabAhu\-
       nyastAraktotpalAyAH stanavidhR^itilasadvAmabAhuH priyAyAH |
sarvAkalpAbhirAmo dhR^itaparashumR^igeShTaH karaiH kA~nchanAbhaH
       dhyeyaH padmAsanasthaH smaralalitatanuH sampade pArvatIshaH ||
\section{32\. dakShiNAmUrtiH}
mudrAM bhadrArthadAtrIM saparashuhariNAM bAhubhirbAhumekaM
       jAnvAsaktaM dadhAno bhujagavarasamAbaddhakakShyo vaTAdhaH |
AsInashchandrakhaNDapratighaTitajaTaH kShIragaurastriNetraH
       dadyAdAdyaiH shukAdyairmunibhirabhinuto bhAvashuddhiM bhavo vaH ||
dakShiNAmUrtaye tubhyaM vaTamUlanivAsine |
dhyAnaikaniratA~NgAya namo rudrAya shambhave ||
\section{33\. aghorarudraH}
kAlAbhrAbhaH karAgraiH parashuDamarukau khaDgakheTau cha bANe\-
       ShvAsau shUlaM kapAlaM dadhadatibhayado bhIShaNAsyastriNetraH |
raktAkArAmbaro.ahipravaraghaTitagAtro.arinAgagrahAdIn
       khAdanniShTArthadAyI bhavadanabhimatachChittaye syAdaghoraH ||
\section{34\. mR^ityu~njayaH}
sphuTitanalinasaMsthaM maulibaddhendurekhA\-
       galadamR^itajalArdraM chandravahnyarkanetram |
svakarakalitamudrApAshavedAkShamAlaM
       sphaTikarajatamuktAgauramIshaM namAmi ||
\section{35\. chintAmaNishivaH (ardhanArIshvaraH)}
ahishashadharaga~NgAbaddhatu~NgaptamauliH
       tridashagaNanatA~NghristrIkShaNaH strIvilAsI |
bhujagaparashushUlAn khaDga vahnI kapAlaM
       sharamapi dhanurIsho bibhradavyAchchiraM vaH ||
hAvabhAvalasitArdhanArikaM bhIShaNArdhamathavA maheshvaram |
pAshasotpalakapAlashUlinaM chintaye japavidhau vibhUtaye ||
\section{36\. chaNDeshvaraH}
avyAtkapardakalitendukaraH karAtta\-
       shUlAkShasUtrakakamaNDaluTa~Nka IshaH |
raktAbhavarNavasano.aruNapa~Nkajastho
       netratrayollasita vaktrasaroruho vaH (naH) ||
\section{37\. gAyatrI}
mandArAhvayarochanA~njanajapAkhyA(khA)bhairmukhairindumad\-
       ratnodyanmakuTAMshubhistata chaturviMshArNachitrA tanuH |
ambhojAridarAhvayau guNakapAlAkhye cha pAshA~Nkushe\-
       ShTAbhItIrdadhatI bhavedbhavadabhIShTottAriNI tAriNI ||
\section{38\. tryambakaH}
achChasvachChAravindasthitirubhayakarA~NkasthitaM pUrNakumbhaM
       dvAbhyAM vedAkShamAle nijakarakamalAbhyAM ghaTau nityapUrNau |
dvAbhyAM tau cha sravantau shirasi shashikalAbandhure plAvayantau
       dehaM devo dadhAnaH pradishatu vishadAkalpajAlaH shriyaM vaH ||
\section{39\. savitR^ijAtavedodurgAtryambakAH}
smartavyAkhilalokavarti satataM yajja~NgamasthAvaraM
       vyAptaM yena cha yatprapa~nchavihitaM muktishcha yatsiddhitaH |
yadvA syAtpraNavatribhedagahanaM shrutyA cha yadgIyate
       tadvaH kA~NkShitasiddhaye.astu paramaM tejastrayotthaM mahaH ||
\section{40\. saMvAdAgniH}
dhavalanalinarAjachchandramadhye niShaNNaM
       karavilasitapAshaM sA~NkushaM sAbhayaM cha |
savaradamamalendukShIragauraM triNetraM
       praNamata suravaktraM ma~NkShu saMvAdayantam ||
\section{41\. varuNaH}
achChAMshukAbharaNamAlyavilepanADhyaH
       pAshA~NkushAbhayavarodyatadossarojaH |
svachChAravindavasatiH susitaH prasanno
       bhUyAdvibhUtividhaye varuNashchiraM vaH ||
\section{42\. bhadrakAlI}
suraudrasitadaMShTrikA triNayanordhvakesholbaNA
       kapAlaparashUllasaDDamarukA trishUlAkulA |
ghanAghananibhA raNadruchiraki~NkiNImAlikA
       bhavadvibhavasiddhaye bhavatu bhadrakAlI chirAt ||
\section{43\. prANashaktiH}
raktAmbhodhisthapotollasadaruNasarojAdhirUDhA karAbjaiH
       pAshaM kodaNDamikShUdbhavamatha guNamapya~NkushaM pa~ncha bANAn |
bibhrANAsR^ikkapAlaM triNayanalasitA pInavakShoruhADhyA
       devI bAlArkavarNA bhavatu sukhakarI prANashaktisvarUpA ||
\section{44\. pArvatI}
asakalashashirAjanmaulirAbaddhapAshA\-
       ~NkusharuchirakarAbjA bandhujIvAruNA~NgI |
amaranikaravandyA trIkShaNA shoNalepAM\-
       shukakusumayutA syAtsampade pArvatI vaH ||
\section{45\. annapUrNA}
rudratANDavavilokanalolAM bhadravaktranayanAM bhavakAntAm |
annadAnaniratAM jananIM tAM chintaya~njapatu chitradukUlAm ||
\section{46\. ashvArUDhA}
ashvArUDhA karAgre navakanakamayIM vetrayaShTiM dadhAnA
       dakShe.anyenAnayantI sphuritatanulatApAshabaddhAM svasAdhyAm |
devI nityaprasannAnanashashadharabimbA trinetrAbhirAmA
       dadyAdAdyAnavadyA pravarasukhaphalaprAptihR^idyAM shriyaM vaH ||
\section{47\. vyAsaH}
munivrAtAvItaM muditadhiyamambhodaruchira\-
       dyutiM vyAkhyAmudrAkalanavilasaddakShiNakaram |
paraM jAnau kR^itvA dR^iDhakalitakakShye kavivaraM
       samAsInaM vyAsaM smarata nirataM puNyacharitam ||
\section{ma~NgalaM}
yadAshrayA viprakR^itiprabhAvato
       vibhinnatArAMshasamutthitaujasaH |
jaganti puShNanti ravInduvahnayo
       namo.astu tasmai paripUrNatejase ||

iti jagadguru shrIsha~NkarabhagavatpAdavirachita prapa~nchasArataH
sa~NkalitA IshvaradhyAnama~njarI samAptA |

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}