\engtitle{.. mahAvIrAShTaka stotram ..}##
\itxtitle{.. mahAvIrAShTaka stotram ..}##\endtitles ##
kavivara bhAgacha.nda
shikhariNI chha.nda H
yadIye chaitanye mukura iva bhAvAshchidachitaH
samaM bhAnti dhrauvya vyaya\-jani\-lasanto.antarahitAH |
jagatsAkShI mArga\-prakaTana paro bhAnuriva yo
mahAvIra\-svAmI nayana\-patha\-gAmI bhavatu meM || 1||
atAmraM yachchakShuH kamala\-yugalaM spanda\-rahitaM
janAnkopApAyaM prakaTayati vAbhyantaramapi |
sphuTaM rmUtiryasya prashamitamayI vAtivimalA
mahAvIra\-svAmI nayana\-patha\-gAmI bhavatu me || 2||
namannAke.ndrAlI\-mukuTa\-maNi\-bhA jAla jaTilaM
lasatpAdAmbhoja\-dvayamiha yadIyaM tanubhR^itAm |
bhavajjvAlA\-shAntyai prabhavati jalaM vA smR^itamapi
mahAvIra svAmI nayana\-patha\-gAmI bhavatu me || 3||
yadarchchA\-bhAvena pramudita\-manA dardura iha
kShaNAdAsItsvargI guNa\-gaNa\-samR^iddhaH sukha\-nidhiH |
labhante sadbhak{}tAH shiva\-sukha\-samAjaM kimutadA
mahAvIra\-svAmI nayana\-patha\-gAmI bhavatu me || 4||
kanatsvarNAbhAso.apyapagata\-tanurj~nAna\-nivaho
vichitrAtmApyeko nR^ipati\-vara\-siddhArtha\-tanayaH |
ajanmApi shrImAn vigata\-bhava\-rAgodbhuta\-gatir
mahAvIra\-svAmI nayana\-patha\-gAmI bhavatu me || 5||
yadIyA vAgga.ngA vividha\-naya\-kallola\-vimalA
bR^ihajj~nAnAbhbhobhirjagati janatAM yA snapayati |
idAnImapyeShA budha\-jana\-marAlai parichitA
mahAvIra\-svAmI nayana\-patha\-gAmI bhavatu me || 6||
anirvArodrekastribhuvana\-jayI kAma\-subhaTaH
kumArAvasthAyAmapi nija\-balAdyena vijitaH
sphurannityAnanda\-prashama\-pada\-rAjyAya sa jinaH
mahAvIra\-svAmI nayana\-patha\-gAmI bhavatu me || 7||
mahAmohAtaka\-prashamana\-parAkasmika\-bhiShak
nirApekSho ba.ndhu rvidita\-mahimA ma.ngalakaraH |
sharaNyaH sAdhUnAM bhava\-bhayabhR^itAmuttamaguNo
mahAvIra\-svAmI nayana\-patha\-gAmI bhavatu me || 8||
mahAvIrAShTakaM stotraM bhak{}tyA `bhAgendu' nA katam |
yaH yaThechchhraNuyAchchApi sa yAti paramAM gatim || 9||
##
Visit http://www.webdunia.com for additional texts with Hindi meanings.